«Álem barysynda» el namysyn kimder qorǵaıdy?
ASTANA. QazAqparat - 25 qazan kúni Pavlodarda tuńǵysh ret ótkeli otyrǵan «Álem barysy» dodasynda el namysyn kilem ıeleri retinde 4 balýanymyz qorǵaıtyn bolady, dep jazady massaget.kz.
Kil myqtylardyń boz kilemdegi beldesýleri jankúıerlerdiń kóńilin bir serpiltip tastary anyq. Qazirgi tańda elimizdiń atynan synǵa túsetin 6 palýanymyz tańdap alyndy.
«Qazaqstan Barysynyń» tórt maýsymynda jeńimpaz atanǵan Ulan Rysqul (2011), Beıbit Ystybaev (2012), Aıbek Nuǵymarov (2013), Muhıt Tursynov (2014) jáne júldegerler qatarynda 2014 jyly fınalda óner kórsetken Asyl Bármenov pen qola júldeger Rýslan Ábdirazaqov bar.
Qazir aty atalǵan balýandar oqý-jattyǵý jumystaryn júrgizip, «Álem barysyna» janyn salyp daıyndalýda. Jarys jaqyndaǵan sátte osy alty balýannyń ishinen baby kelisken tórteýi tańdalyp alynatyn bolady.
