«Álem barysyna» 2014 jylǵy chempıon Braıson taǵy qatysady

ASTANA. QazAqparat - Elordada 8 qyrkúıekte Qazaq kúresinen ótetin álemdik dárejedegi chempıonatqa 2014 jyly «Álem barysy» atanǵan kýbalyq Vıdal Braıson da qatysady, dep habarlaıdy «QazAqparat» HAA tilshisi.

Kýbalyq búgingi kúni Astanaǵa kelip qoıǵan. Álemdik chempıonatty uıymdastyrýshylardyń aıtýynsha, chempıonatqa tanymal sýmoshylar men dzıýdo sheberleri de kele jatyr. 6 qyrkúıek kúni saǵat 18:00-de «Mega Silk Way» oıyn-saýyq ortalyǵynda «Alem Barysy» qatysýshylarynyń saltanatty salmaq ólsheý jáne jerebe tartý rásimi ótedi.

Eske sala ketsek, kýbalyq Vıdal Braıson 2014 jyly Pavlodarda Qazaq kúresinen tuńǵysh uıymdastyrylǵan «Álem barysynda» aqtyq básekede Aıbek Nuǵymarov utqan bolatyn.  Al kúni keshe baspasóz máslıhatynda sóz sóılegen Aıbek Nuǵymarov bul joly «qazaqtyń namysyn qoldan bermeıtinin» málim etken edi.

Absolıýtti álem chempıonatyn tikeleı efırde «Qazaqstan», «Qazsport», túriktiń «TRT Avaz», Reseıdiń «Match! Planeta» jáne «Boks TV» telearnalary kórsetedi.