«Álem barysy»: Mońǵolııalyq qandasymyz jartylaı fınalǵa shyqty
ASTANA. QazAqparat - «Álem barysynyń» shırek fınalynda Mońǵolııadan kelgen qandasymyz Serik Berdimuratuly qarsylasyn qosymsha ýaqytta qapy qaldyryp, jartylaı fınalǵa shyqty, dep habarlaıdy «QazAqparat» HAA tilshisi.
Endi ol jartylaı fınalda Qazaqstannyń beldi balýany «Qazaqstan barysy» ataǵynyń ıegeri Aıbek Nuǵymarovpen beldesetin bolady.
Serik Berdimuratuly Baıan-Ólgeı aımaǵynda Tsengel aýylynda dúnıege kelgen. Ol sportpen on jasynan beri shuǵyldanady. Sýmo, sambo, mońǵol kúresi jáne dzıý-domen aınalysady. Kóptegen jarystardyń jeńimpazy. Sýmodan jasóspirimder arasyndaǵy álem chempıony.
