«Álem barysy» halyqaralyq týrnıri tikeleı efırden kórsetiledi

NUR-SULTAN. QazAqparat - 2 jeltoqsan kúni Almatyda «Balýan Sholaq» atyndaǵy sport saraıynda QR Tuńǵysh Prezıdenti kúnine oraı qazaq kúresinen túıe palýandar arasynda «Álem barysy» týrnıri ótedi.

Halyqaralyq palýandar jarysyn «Qazaqstan» jáne «Qazsport» arnalary tikeleı efırde kórsetedi.

IV Álem chempıonatyna 30 elden kelgen 33 palýan qatysady. «Álem barysy» ataǵy úshin AQSh, Avstralııa, Ázerbaıjan, Brazılııa, Grekııa, Grýzııa, Úndistan, Iran, Ispanııa, Italııa, Qyrǵyzstan, Mońǵolııa, Nıderlandy, Pákistan, Polsha, Reseı, Tájikstan, Túrikmenstan, Túrkııa, Ózbekstan, Ýkraına, Estonııa, Japonııa elderiniń jáne Qazaqstannyń ataqty palýandary baq synaıdy.

Baıraqty básekede el namysyn Aıbek Nuǵymarov, Rýslan Ábdirazaqov, Maqsat Isaǵabylov jáne Nurdaýlet Jarylǵapov qorǵaıdy.

Chempıonattyń bıylǵy júlde qory 20 mıllıon teńgeni quraıdy. Jeńimpaz atanǵan palýan 10 mln teńge jáne altyn belbeý, ekinshi oryn ıegeri 6 mln teńge, kúmis belbeý, úshinshi oryn ıegeri 3 mln teńge, kúmis belbeýmen marapattalady. Al, «Jeńiske degen jigeri úshin» atalymy boıynsha 1 mln teńge tabystalady.

«Qazaqstan» jáne «Qazsport» arnalary jarysty saǵat 13:00-den bastap tikeleı efırde kórsetedi.