«Alem Barysy» dodasyn 100-den asa memleket tikeleı kórsetilimnen tamashalaıdy

ASTANA. QazAqparat - 8 qyrkúıekte Astanada ótetin «Alem Barysy» jarysyn júzden asa memleket tikeleı kórsetilimnen kóre alady, dep habarlaıdy «QazAqparat» HAA tilshisi.

Bul týraly «Qazaqstan barysy» qazaq kúresin damytý qorynyń baspasóz hatshysy Nazerke Sultanbek habarlaıdy.

Álemdik dárejedegi chempıonatty tikeleı efırde«Qazaqstan», «Qazsport», túriktiń «TRT Avaz», Reseıdiń «Match! Planeta» jáne «BoksTV» telearnalary kórsetpek. Reseılik arnalar arqyly chempıonatty eń kemi 50 eldiń kúressúıer jankúıerleri tamashalaı alady.  Al túriktiń «TRT Avaz» arnasynan tikeleı kórsetilim Taıaý Shyǵyspen birge, Eýropa elderine taralady.

Eske sala ketsek, búgin saǵat 18:00-de Astanadaǵy «Mega Silk Way»oıyn-saýyq kesheninde «Alem Barysy» dodasyna qatysatyn balýandardyń salmaqólsheýimen birge jerebe tartý rásimi ótetin boldy. Jarys aldyndaǵy rásimgebarlyq 43 balýan da keledi.