«Alem Barysy»: Balýandardyń jerebe tartý rásimi búgin ótetin boldy

ASTANA. QazAqparat - Búgin Astanadaǵy «Mega Silk Way» oıyn-saýyq kesheninde «Alem Barysy» dodasyna qatysatyn balýandardyń salmaq ólsheýimen birge jerebe tartý rásimi de ótedi, dep habarlaıdy «QazAqparat» HAA tilshisi.

«Mega Silk Way» oıyn-saýyq keshenine búgin saǵat keshki 18:00-de barlyq 43 balýan da keledi. Buǵan deıin jerebe tartý rásimin kúres ótetin kúni ótkizý josparlanǵan bolatyn. Alaıda jarystan tikeleı translıatsııa júrgiziletindikten, atalǵan rásimdi búgin ótkizý jón dep sheshilip otyr.

Eske sala ketsek, 8 qyrkúıek kúni Astanadaǵy «Barys Arenada» qazaq kúresinen «Álem Barysy» ótedi. Álemniń 40 elinen kelgen balýandar ózara baq synasady. Birinshiliktiń jalpy júlde qory - 30 mıllıon teńge. Onyń ishinde 15 mıllıonyn jeńimpaz ıelenedi. Kórermender arasynda Renault Logan avtokóligi oınatylady.