«Álem barysy»: Aıbek Nuǵymarov fınalǵa shyqty

NUR-SULTAN. QazAqparat - «Álem barysy» álem chempıonatynyń jartylaı fınalynda eki qazaq palýany Aıbek Nuǵymarov pen Maqsat Isaǵabylov beldesti, dep habarlaıdy QazAqparat tilshisi.

Tartysty ótken beldesý barysynda Aıbek qarsylasy Maqsatty eki ret jartylaı jeńis ádisimen utyp ketti. Al Maqsattyń qola júlde úshin talasýǵa múmkindigi bar.

Aıta keterligi, Aıbek Nuǵymarov buǵan deıin «Qazaqstan barysy» (2013), «Álem barysy» (2017), qazaq kúresinen 4 dúrkin Álem chempıony (2010, 2013, 2014, 2016), qazaq kúresinen 4 dúrkin Azııa chempıony (2008, 2009, 2014, 2018) atanǵan bolatyn. Sonymen qatar QR eńbek sińirgen sport sheberi, qazaq kúresinen halyqaralyq dárejedegi sport sheberi ataǵy bar sportshymyz «Qurmet» ordeniniń de ıegeri.

Aıta keteıik, tórtinshi ret ótip jatqan básekege 30 elden 33 balýan qatysýda.

«Álem barysy» atanýǵa AQSh, Aýstralııa, Ázerbaıjan, Brazılııa, Grekııa, Grýzııa, Úndistan, Iran, Ispanııa, Italııa, Kamerýn, Kongo, Koreıa, Kýba, Qyrǵyzstan, Lıtva, Mońǵolııa, Nıderlandy, Pákistan, Polsha, Reseı, Slovenııa,Tájikstan, Túrikmenstan, Túrkııa, Ózbekstan, Ýkraına, Estonııa, ıAponııa sekildi elderdiń jáne Qazaqstannyń ataqty balýandary kelgen.