«Álem barysy» atanǵan Roman Bobıkov Qazaq Kuresi ÁCh-daǵy jeńisine senimdi
NUR-SULTAN. QazAqparat - Eki dúrkin chempıon Aıbek Nuǵymarovty jeńip «Álem barysy-2019» jeńimpazy atanǵan reseılik Roman Bobıkov Aqtóbede 15-16 jeltoqsanda ótetin Qazaq Kuresi Álem chempıonatyna qatysatyndyǵyn rastady, dep habarlaıdy QazAqparat Qazaq Kuresi Halyqaralyq federatsııasynyń baspasóz qyzmetine silteme jasap.
«Bıyl men qazaq kúresine óte muqııat daıyndaldym. Maýsym aıynan bastap jattyǵýlarǵa belsendi kiristim, qarsylastarymdy zerttedim, olardyń jekpe-jegin baqylap, ár sportshynyń ózindik tehnıkasyn bildim de, soǵan sáıkes ózimniń taktıkamdy jasadym. Bul maǵan «Álem barysy-2019» fınalynda jeńimpaz atanýǵa kómektesti. Endigi Qazaq Kuresi Álem chempıonatynda da kómektesedi dep senemin», – deıdi chempıon Roman Bobıkov.
Reseılik sportshy +100 salmaqta jáne absolıýtti salmaqta beldesetin bolady. Romannyń aıtýynsha, «qazaqsha kúres - bul óte yńǵaıly sport túri, munda siz ózińizdiń bar múmkindigińizdi, fızıkalyq kúshińizdi qoldana alasyz. Sonymen qatar, onyń jaraqat alý qaýpi jaǵynan az bolǵany unaıdy».
Qazaq Kuresi búkil álemde damyp keledi. Búgingi tańda Federatsııa quramynda 29 el bar. Álem chempıonatyna alǵash ret Koreıa, Frantsııa, Aýǵanstan jáne Ispanııa sııaqty elder qatysady. Osylaısha, Halyqaralyq Qazaq Kuresi federatsııasy óziniń geografııasyn keńeıtýde.
«Reseıde kóptegen sportshylar osy sport túrine qyzyǵýshylyq tanytýda. Álem chempıonatyna ár salmaq kategorııasynda tek bir ǵana balýannyń kelýi ókinishti. Bizdiń quramada dzıýdo jáne sambo chempıondary bar. Qazir biz kúndelikti tańerteńnen keshke deıin qarqyndy jattyǵý júrgizip jatyrmyz. Men, tipti, »Álem barysy« utysyn jumsap úlgermedim», – deıdi chempıon.
Esterińizge sala keteıik, Aqtóbe qalasynda ótetin Qazaq Kuresi Álem chempıonatyna 40-tan astam eldiń sportshylary qatysady. Chempıonatta 8 sheteldik jáne óz elimizdiń 12 tóreshisi tórelik etetin bolady.
Qazaq Kuresi Halyqaralyq federatsııasy - bul halyqaralyq deńgeıge ıe qazaq Qazaq Kuresi týrnırleriniń belsendi uıymdastyrýshysy bolyp tabylatyn Qazaqstandaǵy jalǵyz qoǵamdyq uıym.
Federatsııa jyl saıyn halyqaralyq týrnırler men is-sharalar ótkizedi. Eki jyldan astam ýaqyt ishinde: Qazaq Kuresi 2017 Álem chempıonaty (Astana, Qazaqstan), 2018 Halyqaralyq bapkerler men tóreshilerge arnalǵan semınar (Tbılısı, Grýzııa), Qazaq kuresi Eýropa chempıonaty (Grýzııa jáne Polsha), 2018 oqý-jattyǵý jıyny (Almaty, Qazaqstan), Azııa chempıonattary (Qazaqstan jáne Mońǵolııa) federatsııanyń qoldaýymen «Álem barysy» sekildi týrnırler ótkizildi.
