Álem balalar kózimen: Úndistanda erekshe balalardyń sýret kórmesi uıymdastyryldy

HAIDARABAD. QazAqparat – «Aıalaǵan alaqan» qoǵamdyq qaıyrymdylyq qorynyń bastamasymen Qazaqstannyń Úndistandaǵy Elshiligi erekshe qajettiligi bar balalardyń «Álem balalar kózimen» atty sýret ekspozıtsııasyn uıymdastyrdy, dep habarlaıdy QazAqparat.

Syrtqy ister mınıstrliginiń málimetine sensek, ótken jyly «Aıalaǵan alaqan» qory Qazaqstannyń barlyq óńirinde osyndaı kórmeler ótkizgen bolatyn.

2021 jyly atalǵan qor Syrtqy ister mınıstrligi men shet elderdegi mekemelerdiń qoldaýymen álemniń túrli elderinde kórmeler ótkizýdi josparlap otyr.

Osylaısha, Úndistan bul is-sharany ótkizgen alǵashqy elderdiń biri boldy.

Qordyń jetekshisi Rada Haırýsheva - jetim balalarǵa jáne az qamtylǵan otbasylardan shyqqan balalarǵa kómek kórsetkeni úshin ulttyq premııalardyń laýreaty.

Táýelsizdiktiń 30 jyldyǵyn, sondaı-aq «Táýelsizdik balalary» bastamasyn merekeleý sheńberinde Qazaqstan Elshiligi jyl boıy osy aıtýly oqıǵaǵa arnalǵan túrli is-sharalardy Delıde jáne Úndistannyń basqa da qalalarynda ótkizetin bolady.

Qazaqstandaǵy Ulttyq qoǵamdyq senim keńesiniń IV otyrysynda QR Prezıdenti Qasym-Jomart Toqaev 2021 jyldy Táýelsizdiktiń 30 jyldyǵy dep jarııalaý týraly sheshim qabyldaǵanyn aıta ketken jón.

«Bul - ótken jolymyzdy zerdeleýge jaqsy múmkindik. Mereıtoı saıası-ekonomıkalyq reformalar, tsıfrlandyrý, balalar men múgedekterdiń quqyǵyn qorǵaý, ekologııa máselesin sheshý aıasynda ótedi», - degen ol osy orıda..

Esterińizge sala keteıik, Qazaqstannyń Úndistandaǵy Elshisi Qazaqstannyń Qurmetti konsýldyǵynyń ashylý rásimine qatysý úshin Haıderabad qalasyna barǵan bolatyn. Іs-shara aıasynda qazaqstandyq dıplomat óńirdiń resmı tulǵalarymen, bıznes ókilderimen kezdesý ótkizip, Qazaqstannyń qalyptasýy men elderimiz arasyndaǵy ekijaqty qarym-qatynastyń damýy týraly habardar etti.