«Álem arýynda» Qazaqstan namysyn qorǵaıtyn 19 jastaǵy boıjetken
ASTANA. QazAqparat - Fılıppın respýblıkasynyń astanasy Manıla qalasynda ótetin 65-inshi halyqaralyq «Álem arýy» sulýlyq baıqaýyna Qazaqstan atynan 19 jastaǵy Darına Kúlseıitova qatysady, dep habarlaıdy QazAqparat.
Darına Kúlseıitova «Semeı arýy» tıtýlynyń ıegeri, «Qazaqstan arýy» ulttyq baıqaýynyń, halyqaralyq World Beauty 2016, Best Foto Model World Russian Beauty 2015 sulýlyq baıqaýlarynyń fınalǵa shyqqan arýy, «Miss International Vietnam 2014»(halyqaralyq Fashion House International sulýlyq baıqaýy) 1 vıtse-arýy.
Darına Rymbek Baıseıitov atyndaǵy Semeı qarjy-ekonomıkalyq kolledjinde qarjyger (3 kýrs) mamandyǵy boıynsha bilim alyp jatyr. Bos ýaqytynda bılegendi, saıahat jasaǵandy unatady.
«Álem arýy» baıqaýyna baratynyma áli kúnge deıin sene alar emespin. Laıyqty óner kórsetip, elimizdiń namysyn qorǵap, mádenıeti men salt-dástúrin kórsetý úshin bar kúshimdi salamyn», - deıdi Darına.
«Álem arýy» baıqaýyna qatysatyn arýlar eki aıdan beri Manılada júr. Fınalǵa Darına Qazaqstannyń ataqty dızaıneri Aıda Kaýmenova usynǵan ulttyq kóılekpen shyǵady, al sulýdyń keshkilik sándi kóılekterin Naıl Baıkýchýkov tańdady.
Bas seriktesimiz lıýks sanatty Isabel Garcia ıtalıandyq kıim brendi. Sonymen qatar kúndelikti kıetin kıim Qazaqstan dızaıneri Lora Abdramovanyń (FashionPark) dúńgirsheginen tańdaldy.
Álemniń eń sulý arýynyń esimi 2017 jyldyń 30 qańtarynda belgili bolady, tikeleı kórsetilimdi álemniń 150-den asa eli tamashalaı alady.
