«Álem arýy» baıqaýynyń jeńimpazy Gıbraltar meri bolyp taǵaıyndaldy
ASTANA. QazAqparat - 2009 jyly «Álem arýy» baıqaýynyń jeńimpazy atanǵan 30 jastaǵy Kaıane Lopes Ulybrıtanııanyń teńizdiń ar jaǵyndaǵy terrıtorııasynan oryn tepken Pıreneı túbeginiń ońtústigindegi Gıbraltardyń meri boldy.
5 sáýirde qyzmetine kirisken ol tilshilerge bergen suhbatynda ózin brıtandyq ekenin maqtan etetinin jáne Gıbraltardyń Brıtanııaǵa tıesili bolyp qala beretinin aıtty, dep habarlaıdy Habar 24. Osylaısha Lopes Gıbraltar tarıhyndaǵy eń jas mer jáne tarıhta osy qyzmetke taǵaıyndalǵan úshinshi áıel atandy.
Aıta keteıik, ol 2009 jyly Iohannesbýrgte ótken «Álem arýy» baıqaýynda Aldorıno qyz kezindegi tegimen Gıbraltardyń namysyn qorǵaǵan edi.
