«Álem arýy – 2021» baıqaýynda Qazaqstan atynan kim qatysady
NUR-SULTAN. QazAqparat – «Qyzylorda arýy – 2019» – 18 jastaǵy Kamılla Serikbaı «Álem arýy-2021» baıqaýynda Qazaqstannyń namysyn qorǵaıdy, dep habarlaıdy QazAqparat tilshisi.
«Qazaqstan arýy» ulttyq sulýlyq baıqaýy Nur-Sultandaǵy ótetin dástúrli shoýdy 2021 jylǵa aýystyrý týraly sheshim qabyldady. Koronavırýs indetiniń osyndaı qıyn kezeńinde jarysty uıymdastyrýshylar men qatysýshylardyń barlyq nazary qaıyrymdylyq jáne áleýmettik jobalardy júzege asyrýǵa baǵyttaldy.
«Baıqaýǵa qatysýshylar Qazaqstannyń barlyq aýmaǵynda osy qıyn kezeńde qaıyrymdylyq jumysyna belsene qatysty: olar pandemııamen kúreste dárigerlerge, az qamtylǵan otbasylarǵa kómektesti. Ásirese, osy kúrdeli kezeńde «Qyzylorda arýy – 2019» – 18 jastaǵy Kamılla Serikbaı basqalarǵa kómekteskisi keletindigimen erekshelendi. Sondyqtan «Qazaqstan arýy» baıqaýynyń dırektsııasy ony «Álem arýy – 2021» baıqaýyna jiberýge sheshim qabyldady. Onyń Halyqaralyq Álem arýy baıqaýynda bizdiń elimizdi laıyqty túrde tanystyratyndyǵyna senimdimiz», - dep jazdy «Qazaqstan arýy «ulttyq konkýrsynyń uıymdastyrýshylary Instagram -daǵy paraqshasynda.
Kamılla Serikbaı 2019 jyly «Qyzylorda arýy» ataǵyn jeńip aldy. Sýleıman Demırel atyndaǵy ýnıversıtette «Qoldanbaly quqyq» mamandyǵy boıynsha oqydy. Karatemen bala kezinen aınalysady, sport sheberi. Ol BUU-nyń izgi nıet elshisi bolýdy armandaıdy.
