«Álem arýy-2015» aıasyndaǵy sporttyq baıqaýda qazaqstandyq Regına Vandysheva IV oryn aldy (FOTO)
ASTANA. QazAqparat - «Qazaqstan arýy-2014» atanǵan Regına Vandysheva Qytaıda ótip jatqan 65-shi halyqaralyq sulýlyq konkýrsy aıasynda sporttyq baıqaýǵa qatysty.
«Álem arýy-2015» baıqaýynyń resmı saıtynda Regına Vandyshevanyń tórtinshi oryn alǵany habarlandy. Namıbııa ókili konkýrs jeńimpazy boldy, ekinshi oryn Seıshel aralynan kelgen boıjetkenge buıyrdy. Úshinshi oryn - Gýam aralynan kelgen arýda, dep habarlaıdy baistars.kz.
Aıta keteıik, R.Vandysheva jeńil atletıkadan sport sheberi. Qazir arýlar «Álem arýy-2015» baıqaýynyń 19 jeltoqsanda ótetin fınaldyq kezeńine daıyndalyp jatyr. Olar qaıyrymdylyq aktsııalaryna, túrli baıqaýlar men daıyndyqtarǵa qatysady.
