«Álem Arýy» franshızasynyń ıesi Nıkaragýamen astyrtyn kelisimi úshin aıyptaldy
Nıkaragýanyń quqyq qorǵaý organdary «Álem Arýy» baıqaýynyń jergilikti franshızasynyń ıesi Karen Seleberttıdi memleketke qarsy qastandyq jáne lańkestik áreket uıymdastyrdy dep aıyptap otyr. Mundaı málimdemeni senbi kúni el polıtsııasy taratty. Kazinform bul týraly TASS-qa silteme jasap habarlaıdy.
«2018 jyly «Nıkaragýa Arýy» jáne «Álem Arýy» franshızalarynyń ıeleri Karen Seleberttı, Martın Argýelo Leıva men Bernardo Martın Argýelo Seleberttı 2016 jyly zańdy túrde saılanǵan bitimgershilik jáne ult birligi úkimetin ornynan taıdyrý maqsatynda halyqaralyq agenttikter men sheteldik mıssııalar uıymdastyryp, sátsizdikke ushyraǵan memleketke tóńkeris jasaý lańkestik aktsııalaryna belsendi qatysqan. Joǵaryda aty atalǵan azamattar platformalar men jeliler quryp, buqaralyq aqparat quraldarynda jekkórýshilik, zorlyq sezimderdi oıatyp, eldegi memleket menshigin jáne jeke menshikti joıatyn lańkestik áreket týdyrýǵa sebep bolǵan», - delingen málimdemede.
2019 jyldan bastap Karen Seleberttı, Martın Argýelo Leıva men Bernardo Martın Argýelo Seleberttı Otanyn satqandarmen baılanysta bolyp, sulýlyq baıqaýyn tanystyrýǵa arnalǵan franshıza, platforma men keńistikterdi lańkestik áreket uıymdastyrý úshin paıdalanbaq bolǵan. Baıqaýdy sheteldik agentter qarjylandyratyn saıası tuzaq pen torýylǵa aınaldyrýdy kózdegen.
Vedomstvonyń sózinshe, bul azamattar 2023 jyldyń jeltoqsan aıynda úkimetke narazylyq uıymdastyrýdy josparlaǵan.
«Joǵarydaǵy adamdardyń aıtýynsha, bıyl jeltoqsanda olar taǵy da kóshelerge shyǵyp, tarıhtaǵy eń nashar qylmysty qaıtalaıdy», - delingen málimdemede.
Olarǵa «Qoǵamdyq tártipti buzý maqsatyndaǵy qastandyq», «Jekkórýshilik, zorlyq, uıymdasqan qylmysqa úndeý», «Otanǵa opasyzdyq» jáne «Lańkestik» aıyptary taǵylyp otyr. Karen Seleberttı qazirgi ýaqytta shet elde.
Qarashanyń ortasynda Nıkaragýany tanystyrǵan 23 jastaǵy Alondra Palasıos Korneho 72-shi «Álem Arýy» halyqaralyq baıqaýynyń jeńimpazy atanǵanyn eske sala keteıik.
