«Álem arýy» baıqaýyndaǵy janjal: uıymdastyrýshy úmitkerdi balaǵattady

ASTANA. KAZINFORM – «Álem arýy» baıqaýy ótetin Taıland eliniń resmı ókili «Meksıka arýyn» kópshiliktiń kózinshe balaǵattaǵany úshin baıqaýǵa qatysýshy birneshe eldiń ókili is-sharadan ketip qaldy, dep habarlaıdy BBC.

Baıqaýdyń dırektory Navat Itsaragrısıl Meksıkadan kelgen úmitker Fatıma Boshty jarnamalyq kontent ornalastyrmaǵany úshin ondaǵan úmitkerdiń aldynda ursqan.

Ol qarsylyq bildirgende dırektor kúzetshini shaqyryp, ony qoldaǵandardyń barlyǵyn baıqaýdan shettetetinin aıtqan. Osydan soń Bosh zaldan shyǵyp ketken. Oǵan ózge qatysýshylar da qosyla ketken. Іs-sharadan shyqqan soń Bosh BAQ ókilderine 60 jastaǵy jetekshiniń ózine qurmetsizdik tanytyp, «topas» dep balaǵattaǵanyn aıtty.

Alaıda baıqaý dırektory ony moıyndaǵan joq, ol óziniń sózin durys túsinbegenin jetkizgen.

Tikeleı efır arqyly taratylǵan oqıǵanyń vıdeosy ınternetke jarııalandy. «Álem arýy» baıqaýynyń uıymdastyrýshylary Navat Itsaragrısılanyń áreketin aıyptap, keshirim surady.

«Álem arýy» baıqaýynyń prezıdenti Raýl Rocha taılandtyq sheneýniktiń Bosh hanymnyń namysyna tıip, qurmetsizdik tanytty jáne qorǵansyz áıeldi qorqytý úshin kúzetshini shaqyrtyp, qyzmet babyn asyra paıdalanǵanyn aıtty.

Onyń sózinshe, dırektordyń baıqaýdaǵy qyzmeti barynsha shekteledi, bul jobaǵa múldem qatystyrylmaýy da múmkin.

- Jastar isi jónindegi basqarma ony sotqa beredi, - dedi.

- Men taǵy qaıtalaımyn, «Álem arýy» baıqaýy áıelderdiń quqyqtary men múmkindikterin keńeıtetin alań. Joba «áıelderdiń daýsyn búkil álemge estirtýge» múmkindik beredi, - dedi Rocha.

Osyǵan deıin biz Taıland stýdenti «Álem arýy-2025» baıqaýynda jeńiske jetkeni týraly jazdyq.