«Álem arýy» baıqaýynda Nıkaragýa ókili jeńiske jetti

Nıkaragýalyq 23 jastaǵy Sheınnıs Alondra Palasıos Korneho senbi kúni keshke Salvadorda ótken 72-shi halyqaralyq «Álem arýy» baıqaýynyń jeńimpazy atandy. Kazinform bul týraly TACC aqparat agenttigine silteme jasap habarlaıdy. 

Іs-shara baıqaýdyń YouTube arnasynan https://www.youtube.com/missuniverse kórsetildi. 

Ekinshi oryndy Taıland ókili, 27 jastaǵy Anntonııa Porsıld ıelendi. 

«Álem arýy» — jyl saıyn uıymdastyrylatyn halyqaralyq konkýrs jáne álemdegi eń bedeldi sulýlyq baıqaýlarynyń biri. Bıyl oǵan 80-nen astam elden jınalǵan qyzdar qatysty. 

Sheınıs Palasıos «Álem arýy» ataǵyn jeńip alǵan Nıkaragýadan shyqqan alǵashqy áıel atandy.

Ol 2000 jylǵy 31 mamyrda Nıkaragýanyń Managýa qalasynda dúnıege kelgen. Palasıos Ortalyq Amerıka ýnıversıtetinde buqaralyq kommýnıkatsııalar mamandyǵy boıynsha bilim aldy. Sol ýaqytta ýnıversıtet atynan voleıbolǵa qatysty. Boıy — 1,8 metr. 

Aıta keteıik, «Álem arýy» baıqaýyna Qazaqstan atynan almatylyq 20 jastaǵy Tomırıs Zaır de qatysty. Alty tilde sóıleıtin onyń ulty — qazaq. Orta júzdiń qypshaq rýynan shyqqan. Tomırıstiń boıy 179 santımetr, salmaǵy 52 keli.