ÁLEM APTA ІShІNDE: Júıkesi syr bergender frantsýzdyqtardyń úreıin ushyrýda

Frantsııadaǵy shabýyl

Sonymen, Frantsııa bıligi Nant, Dıjon jáne Jýe-le-Týr qalalarynda oryn alǵan shabýyldardan keıin mereke kezeńindegi qaýipsizdik sharalaryn kúsheıte tústi. Este bolsa, birneshe shabýyl saldarynan 1 adam qaza taýyp, 20-dan astam adam, onyń ishinde úsh polıtsııa qyzmetkeri jaraqat alǵan edi. Atap aıtqanda, dúısenbi kúni Nant qalasynda belgisiz adam «Allah akbar» dep attandap, júk kóligin kóshe bazaryndaǵy satyp alýshylarǵa baǵyttady, osydan keıin ózine birneshe jerden pyshaq salyp alǵan. Osy oqıǵa saldarynan 9 adam jaraqat alsa, onyń birine sál keıinirek dárigerler klınıkalyq ólim jaǵdaıynda degen dıagnoz qoıdy. Eldiń ishki ister mınıstri Bernar Kaznevtiń aıtýynsha, bazarda satyp alýshylardy basyp ketken adamnyń júıkesi aýytqýǵa ushyraǵan eken. Al osydan bir kún buryn taǵy bir júıkesinde aýytqýy bar adam Dıjonda qalanyń ár qıyrynda 13 jaıaý júrginshini basyp ketken bolatyn. Oqıǵa kýágerleriniń aıtýyna qaraǵanda, ol da «Allah akbar» dep urandaǵan kórinedi. Sál keıinirek qala prokýrory ustalǵan adamnyń 2001 jyldan beri keminde 157 ret aýrýhanaǵa jatqyzylǵanyn jarııa etti. Al Frantsııanyń Jýe-le-Týr qalasynda 20 jastaǵy azamat polıtsııa komıssarıatynda esh sebepsiz kezekshi ofıtserge pyshaq ala umtyldy. Ol úsh polıtsııa qyzmetkerin pyshaqtaǵannan keıin ǵana oqqa ushty. Qazirgi ýaqytta quqyq qorǵaý organdary jas jigitke «Islam memleketi» qozǵalysymen baılanysy bar degen kúdik keltirýde. Mine, osyndaı oqıǵalardan keıin Frantsııa Premer-Mınıstri Manýel Vals mereke kezeńinde qaýipsizdik sharalaryn kúsheıtý týraly sheshim qabyldady. Eldiń iri saýda ortalyqtaryndaǵy qaýipsizdikti kúsheıtý maqsatynda qosymsha 300 áskerı qyzmetshi jumyldyryldy. Sonymen qatar jandarmdar men polıtsııa qyzmetkerleri halyq shabýylǵa ushyraýy múmkin kóshelerdi jiti sholǵyndaı bastady. Sent-Lýıste polıtsııa qara násildi jasóspirimdi atyp tastady AQSh-tyń Mıssýrı qalasyna qarasty Sent-Lýıs qalasynda polıtsııa qyzmetkeri qara násildi jasóspirimdi atyp tastady. Oqıǵa Sent-Lýıs shetindegi Berklı qalashyǵynda oryn aldy. Este bolsa, osy jyldyń tamyz aıynda Berklı qalashyǵyna taıaý qonystanǵan Fergıýson eldi mekeninde polıtsııa qyzmetkeri taǵy bir qara násildi Maıkl Braýn esimdi jasóspirimdi atyp tastap, bul jappaı narazylyq sharalaryna ulasqan bolatyn. Resmı derekterge qaraǵanda, polıtsııa qyzmetkerleri 18 jastaǵy Antonıo Martındi keshqurym janarmaı quıý beketteriniń biriniń janynda qujattaryn tekserý úshin toqtatqan. Al bul kóliktegi jas jigittiń ashý-yzasyn týdyrǵan. Tipti, ol qarýyn polıtsııa qyzmetkerleriniń birine kezengen. Osydan keıin óz qaýipsizdikterin oılaǵan polıtseıler A.Martındi atyp tastaǵan. Osydan keıin oqıǵa ornyna 100-den astam adam jınalǵan. Olardyń arasynda jergilikti bılik ókilderi, M.Braýn ólimi kezinde jappaı tártipsizdikter uıymdastyrǵan belsendiler boldy. Narazylyq tanytýshylar polıtsııa kóligin, kórshiles dúkenderdiń sórelerin talqandady. Olardy taratý úshin polıtsııa qyzmetkerleri arnaıy quraldar, kózden jas aǵyzatyn gaz qoldanýlaryna týra keldi. Katolıkter men protestanttar basty merekelerin atap ótýde

Osy aptada dúnıe júziniń 145 memleketinde toılanatyn protestantar men katolıkterdiń dinı meıramy - Rojdestvo bastaldy. Bul kúnderi barsha hrıstıandar shirkeýler men ǵıbadathanalarda shoqynýmen ótkizedi. Aıta keterligi, Rojdestvo meıramyn barlyq hrıstıandar atap ótedi, degenmen, katolıkter ony 25 jeltoqsan kúni, al pravoslavtar 7 qańtarda toılaıdy. Batys elderi bul merekeni otbasy merekesi dep esepteıdi.

Erte zamanda Rım ımperııasy ózderi jartylaı qudaı, jartylaı adam dep tabynatyn Mıtranyń týǵan kúnin keıinen toılaıtyn. Olardyń jalǵan dinine sáıkes Mıtra 25 jeltoqsan kúni úńgirde janýarlar arasynda dúnıege kelgen-mys. El arasynda keńinen etek jaıǵan bul merekeni yǵystyrý maqsatynda ІV ǵasyrda Mıtranyń bas tabynýshysy bolǵan, keıinnen hrıstıan dinine bas urǵan Vızantııa ımperatory Konstantın 25 jeltoqsandy Iısýstyń týǵan kúni dep jarııalaǵan.