ÁLEM APTA ІShІNDE: Iemen taǵy dúrlikti

Tbılısıdegi sý tasqyny

Ótken jeksenbige qaraǵan túnde Gúrjistannyń Tbılısı qalasy qatty daýyl men nóserlete jaýǵan jaýynnyń astynda qaldy. Nóser jaýyn taýlarda laı kóshkinin týyndatyp, Vera ózeniniń aǵysyn jaýyp tastady. Sonyń saldarynan jasandy sý qoımasy paıda bolyp, qoımaǵy quıylǵan sý onyń erneýin buzyp ótti. Osydan keıin laı men tas aralasqan tasqyn el astanasyna qaraı lap berdi.

Tbılısıde Vera ózeniniń jaǵalaýyndaǵy ortalyq aýdandar sý astynda qaldy. Aýlalardy jáne júzden astam turǵyn úıdiń birinshi qabattaryn, jer asty ótkelderin, alańdardy, avtojoldardy, elektr taratý jelilerin, túrli ınfraqurylymdyq nysandardy sý basty.

Munan bólek, erneýinen asyp jaǵalaýdyń bárin basqan Vera ózeniniń sýy Tbılısıdiń zoosaıabaǵynyń tómen ornalasqan aýmaǵyn da shaıyp ketti. Sonyń saldarynan baqtaǵy ańdardyń birazy sýǵa batyp ketse, birqatary qala kóshelerin kezip ketti. Osy oqıǵadan keıin zoosaıabaqtaǵy 600-ge jýyq ańnyń tek jartysy ǵana tiri qaldy.

Gúrjistan sınoptıkteriniń aqparatyna qaraǵanda, óńirde mundaı nóser jaýyn ortasha eseppen alǵanda 15 jylda bir ret oryn alady. Mamandardyń esepteýinshe, bul joly 1 aıda jaýatyn jaýyn 1-aq kúnde jaýǵan.

Resmı derekterge sáıkes, tabıǵı apat saldarynan 19 adam qaza tapsa, taǵy 3 adam iz-tússiz joǵalyp otyr. Sý tasqyny saldarynan Tbılısıde 457 adam zardap shekti, onyń 119-y balalar, 56-sy qarttar jáne 5-eýi júkti áıelder.

Gúrjistan Prezıdenti Georgıı Margvelashvılı ákimshilik múshelerimen birge sý basqan aýdandardy aralap, tabıǵı apat saldarynan qaza tapqandardyń otbasylaryna kóńil aıtty.

«Qaza tapqandardyń otbasylaryna kóńil aıtamyn. Otbasy múshelerinen tosynnan aıyrylyp qalý zor qaıǵy. Biz qala basshylyǵyna ahýaldy eńserý úshin qarjylaı kómek kórsetetin bolamyz», - dedi el Prezıdenti.

Dúısenbi kúni Gúrjistanda sý tasqynynan qaza tapqandardy aza tutý kúni boldy. Eldiń Premer-Mınıstri Iraklıı Garıbashvılıdiń buıryǵymen qaza tapqandardyń otbasylaryna 10 myń ları kóleminde (shamamen 4,5 myń dollar) birrettik materıaldyq bólinetin bolady. Sonymen qatar qaza tapqandardy jer qoınyna tapsyrý shyǵyndaryn da úkimet óz moınyna alady.

Týnıstegi jol apaty

Seısenbi kúni «Frans-Press» aqparat agenttigi Týnıste poıyz ben júk kóliginiń soqtyǵysyp qalǵandyǵy jaıynda sýyt aqparat taratty. Oqıǵa tańerteń erte temir jol ótkeliniń basqarylmaıtyn aımaǵynda oryn alǵan.

Eldiń Іshki ister mınıstrligi taratqan aqparatqa sáıkes, poıyz Týnıstiń ońtústik-batysynda, 120 shaqyrym jerde ornalasqan Gafýr qalasynan eldiń astanasyna bet alǵan. Kólikterdiń apatqa ushyraýy jol ortasynda, Týnıs astanasynan 60 shaqyrym jerde tirkelgen.

Apat saldarynan keminde 18 adam qaza taýyp, 90-nan astam adam jaraqattanǵan. Júk kóliginiń júrgizýshisi aman qalǵan. Jergilikti bıliktiń aqparatyna qaraǵanda, ony polıtsııa tutqynǵa alyp, apattyń shyǵý sebepterin anyqtaý ústinde.

Oqıǵa kýágerleriniń aıtýynsha, poıyz mashınısi de, júk kóliginiń júrgizýshisi de jyldamdyqty asyryp jibergen. Degenmen, Týnıs kólik mınıstri Mahmýd ben-Romdan temir jol ótkeli shlagbaým men jáne baǵdarshammen jabdyqtalǵanda apattyń aldyn alýǵa bolatyn edi dep málimdeme jasady.

«Jol apatynyń basty sebebi - shlagbaýmnyń bolmaýy. Týnıste 1150 temir jol ótkeli bar. Olardyń tek 250-i ǵana dabyl berý baǵana men kedergimen jabdyqtalsa, tek 150-inde ǵana baǵdarsham bar. Bul jetkiliksiz», - dedi oqıǵaǵa baılanysty túsinik bergen Mahmýd ben-Romdan.

Iemende birqatar jarylys boldy

Sársenbi kúni Iemen astanasy Sana qalasynyń ártúrli aýdandarynda bir mezette birneshe qýatty jarylys oryn aldy. Atap aıtqanda, jarylǵysh zatqa toly kólik hýsıt kóterilisshileriniń basshysy Saleh as-Samadtyń rezıdentsııasyna janynda kókke ushsa, ekinshi bomba qoıylǵan mashına hýsıtterdiń taǵy bir kóshbasshysy Tahı al-Mýtavvakıldiń úıiniń janynan jaryldy. Sonymen qatar Iemen astanasynyń ortalyǵynda ornalasqan meshit janynda da jarylys boldy.

Oqıǵa kýágerleriniń aıtýynsha, jarylǵysh zat meshittiń kire berisine qoıylǵan jáne qasıetti Ramazan aıynda meshitke dindarlar kele bergende iske qosylǵan.

Aıta keterligi, jarylystar serııasy Jenevada BUU bastamasymen Iemendegi ahýal talqylanyp jatqan sátte oryn alyp otyr. Atalǵan alqaly jıynda taıtalasýshy taraptardy tatýlastyrý máselesi qarastyrylýda edi.

Sonymen atalǵan lańkestik áreketter saldarynan keminde 31 adam qaza taýyp, 20-dan astam túrli dárejede dene jaraqatyn aldy. Bul lańkestik áreketterdiń jaýapkershiligin «Islam memleketi» toby óz moınyna alyp otyr.

Iemen bıligi men shııttik búlikti hýsıtter arasynda janjal 2014 jyldyń tamyzynan qarqyn alǵan edi. Aǵymdaǵy jyldyń qańtar aıynda búlikshiler el astanasyn basyp alǵan bolatyn. Osydan keıin búlikshilerdiń qysymyna shydamaǵan el prezıdenti Abd Rabbo Mansýr Hadı óz erkimen bılikten ketip, Aden qalasyn panalaǵan edi. Alaıda, hýsıtter naýryz aıynda bul qalaǵa jetip, eldiń burynǵy basshysy amalsyzdan bas saýǵalap, shekara asyp ketken bolatyn. Sonymen qatar osy jyldyń naýryz aıynda Hadıdiń ótinishi boıynsha Saýd Arabııasynyń bastamasymen arab koalıtsııasy búlikshilerge qarsy áskerı operatsııa bastady.