ÁLEM APTA ІShІNDE: Túrkııanyń Sýrých qalasyndaǵy terakt, Frantsııadaǵy fermerler narazylyǵy jáne Lafeıett kınoteatryndaǵy atys

Sýrých qalasyndaǵy qandy qyrǵyn

Dúısenbi kúni Túrkııanyń ońtústigindegi túrkııa-sırııa shekarasynan 10 shaqyrym jerde ornalasqan Sýrých qalasyndaǵy mádenıet úıiniń qasynda lańkes-sodyr jarylǵysh zatty iske qosty. Jarylys kezinde atalǵan ǵımaratta solshyl jáne kúrdshil qozǵalystardyń 300-ge jýyq belsendileri jınalǵan bolatyn. Olar Sırııadaǵy Kobanı qalasyna barýǵa daıyndalyp jatqan. Aıta keteıik, bul qala kúrd jasaqtary men «DAISh» sodyrlarynyń arasyndaǵy kópke sozylǵan qaqtyǵystardan ábden qıraǵan edi. Eldiń quqyq qorǵaý organdary saraptama qorytyndysy negizinde ózin-ózi jarǵan lańkestiń kim bolǵanyn anyqtady. Ol 20 jastaǵy SheıhAbdýrrahman Alagýz atty stýdent bolyp shyqty.

Jarylys saldarynan 32 adam qaza taýyp, taǵy100-den astamy túrli dárejedegi jaraqattar aldy, zardap shekkenderdiń kóbi - kúrdter. Túrkııa bıligi jarylysqa jaýapkershilikti «DAISh»-tiń moınyna artyp otyr. El basshysy Redjep Taıyp Erdoǵan qaza bolǵandardyń týystaryna kóńil aıtyp, jaralanǵandarǵa tez saýyǵyp ketýlerin tiledi. Qazaqstan Prezıdenti Nursultan Nazarbaev ta jedelhat joldap, jarylys qurbandarynyń jaqyndaryna kóńil aıtty.

Osydan birneshe kún ótkennen keıin Túrkııa bıligi Sırııamen aradaǵy shekarany beriktetip, uzyndyǵy 150 shaqyrym bolatyn modýldik qabyrǵa turǵyzýǵa sheshim qabyldady. Keıbir jerlerde tikenekti symdar qorshaýy kúsheıtiletin bolady. Sonymen qatar, shekaranyń 118 shaqyrym jerine túnde jaryq túsiretin projektorlar ornatylmaq. Shekarany myqtaý sharalaryna qatarynda uzyndyǵy 365 shaqyrym bolatyn jyra qazý jumystary jáne shekaralyq aımaqta ushqyshsyz ushaqtardyń kúzet jasaıtynyn aıta ketý kerek.

Frantsııalyq fermerlerdiń narazylyǵy

Ótken aptada Frantsııa aýyl sharýashylyǵy qyzmetkerleriniń narazylyq sherýleri búkil eldi sharpydy. Demonstranttar birneshe kún boıy eldegi keıbir iri avtojoldardy jaýyp tastady. Agrarshylardyń basty talaby ónimderin naryqqa shyǵarý baǵasyn kóterý, ásirese, iri saýda jelileri men et óńdeý ónerkásipteri olardyń ónimderin qymbat baǵamen alýy tıis. Osy máseleni retteýde olar Úkimettiń aralasýy kerektigin talap etti. Normandııada júzdegen fermerler «sharasyzdyq aktsııasyna» qatysyp, sharýashylyqtardyń turalap qalý aldynda turǵandyǵyn bıliktegilerge jetkizgisi keldi. Dúısenbi kúni 300-den astam traktor Kan qalasyna kiretin joldardy jaýyp tastady.

Seısenbi kúni narazylyq sharalary Pıkardııa men Brıtanııada jalǵasyn tapty. Soltústiktegi sherýshilerge ońtústiktiń sharýalary qosyldy. Sársenbide Lıonda, Klermon-Ferranda jáne taǵy da birneshe aımaqtyq ortalyqtarda sap túzegen aýyl sharýashylyq tehnıkalary birneshe iri magıstralderdi jaýyp tastady. Beısenbi kúni Frantsııa Prezıdenti Fransýa Olland Dıjon qalasynda agroónerkásiptik keshenniń ókilderimen kezdesti. Dıskýssııa qorytyndysynan keıin ol et pen sút óndirýshilerdi birlese otyryp osy ónimderdiń baǵasyn kóterýge baryn salýǵa shaqyrdy. Úkimet óz tarapynan agrarshylarǵa kómektesetin josparlaryn da tanystyrdy, ol boıynsha jýyq arada fermerlerge 600 mln eýrodan kem emes qarajat bólinedi.

Sonymen qatar sharýa qojalyqtaryna salynatyn salyqazaıtylyp, jaǵdaılary tym aýyrlap ketken sharýashylyqtardyń qaryzdary qaıta qaraldy. Osy kúni joldardy japqan tehnıkalar alyndy. Degenmen fermerlerdiń kóbi mınıstrler kabıneti qsynǵan jospardyń salyqty azaıtatyna sense de, ónimderdiń satý baǵasynyń kóterile qoıatynyna kúmándi ekenderin bildirdi. Sondyqtan sharýalar másele tolyǵymen sheshildi degenge senbeıdi. Endi olar ózderiniń ónimderin óńdeıtin óndiris júıeleriniń baǵany kótergenin talap etip otyr. Eger de olardyń talaptary aldaǵy aptalarda oryndalmasa, onda olar narazylyq sherýlerin qaıtadan bastamaq. Jappaı narazylyq sherýlerin uıymdastyrǵan «Ulttyq aýyl sharýashylyǵy ónimderin óndirýshiler odaǵynyń» málimetteri boıynsha, sherýge 15 myń frantsýz sharýalary qatysqan.

Lafeıett qalasynyń kınoteatrdaǵy atys

Beısenbi kúni AQSh-tyń Lýzıana shtatyquramyndaǵy Lafeıett qalasyndaǵy «Grand 16 Theatre» kınoteatrynda kórsetilim kezinde egde tartqan aq násildi er adam zalda otyrǵan adamdarǵa oq jaýdyrdy. Tártip saqshylarynyń habarlaýynsha, oqıǵa «Devýshka bez kompleksov» fılminiń kórsetilimi kezinde oryn alǵan. Fılm bastalǵan soń shamamen 20 mınýttan keıin zalǵa er adam kirip kelip, tapanshadan oq jaýdyrǵan. Kúdikti oqıǵadan soń qashyp ketpek bolǵan, alaıda polıtsııanyń kelip qalǵanyn kórip, kınoteatrǵa qaıtadan kirip ketip, ózin-ózi atyp óltirgen. Oqıǵa saldarynan 2 adam qaza taýyp, 9 adam jaraqattandy. Quqyq qorǵaý organdarynyń málimetinshe, oq atqan adam 59 jastaǵy Djon Rassel Haýser. Onyń bul áreketke ne úshin barǵany beımálim.

«The New York Times» gazetiniń jazýynsha, Haýser ýltraońshyl separatısterdi qoldaıtyn, onyń ústine psıhıkalyq aýytqýlary bar adam bolyp shyqty. Sonymen qatar ol úıindegi adamdarǵa zorlyq-zombylyq kórsetkeni úshin úıden qýylyp, qarjy tapshylyǵyn kórip júrgen eken.