ÁLEM APTA ІShІNDE: T.Bekmambetov týyndysy Toronto kınofestıvalinde kórsetiledi

ASTANA. QazAqparat - Ótip bara jatqan apta álem jurtshylyǵynyń jadynda jaǵymdy jańalyqtarymen este qalatyn boldy. Atap aıtqanda, sársenbi kúni mıllıondaǵan jannyń nazary Apple kompanııasynyń jańa devaıstarynyń tanystyrylymyna nazar aýdarǵan bolatyn. Al beısenbi kúni álem jurtshylyǵy Torontodaǵy 40-shi halyqaralyq kıno festıvaldiń ashylýyna nazar saldy.

Apple kompanııasynyń tusaýkeseri

Sársenbi kúni San-Frantsıskoda Apple kompanııasynyń tusaýkeser sharasy ótti. Oǵan shamamen 7 myńǵa jýyq adam qatysty. Bul korporatsııa tarıhyndaǵy mundaı sharaǵa rekordtyq adam qatysqan iri oqıǵa bolǵany anyq.

Sonymen Apple jańa iPhone 6S pen 6S Plus, dıspleıi úlken iPad Pro, alynbaly-salynbaly klavıatýra, túbegeıli jańartylǵan Apple TV teledıdar prıstavkasyn, jańa iPad-qa arnalǵan Apple Pencil stılýsin tanystyrdy.

Apple kompanııasynyń basshysy Tım Kýk óz tanystyrylymyn aqyldy Apple Watch saǵaty týraly áńgimeleýden bastady. Odan keıin alynbaly-salynbaly klavıatýra, túbegeıli jańartylǵan Apple TV teledıdar prıstavkasyn, jańa iPad-qa arnalǵan Apple Pencil stılýsin tanystyryp, olardyń erekshelikterine aıryqsha toqtalyp ótti.

Eń sońynda Tım Kýk jańa iPhone 6s pen 6s Plus telefondaryn jurtshylyq nazaryna usyndy. Jańa iPhone A9 protsessorymen jabdyqtalǵan. Bul telefonnyń buǵan deıingi smartfonnan 70 paıyz jyldamyraq jumys isteýine múmkindik beredi. Telefonnyń artqy qaptalynda ornatylǵan kamera 12 megapıkseldi, al aldyńǵy kamera 5 megapıkseldi quraıdy. Live Photos tehnologııasy «tiri» sýretter túsirýge múmkindik beredi. ıAǵnı sýretke túsirý barysynda bastapqy jáne keıingi birneshe sekýndtar saqtalady.

Torontoda 40-shy kınofestıval ashyldy

Beısenbi kúni Torontoda 10-shy halyqaralyq kınofestıvaldiń ashylý saltanaty ótti. Qalyptasqan dástúrge saı festıval qyrkúıek aıynda ótedi. Al onyń bastalýy Kanada men AQSh-ta eńbek kúni keńinen atalyp ótetin aıdyń birinshi dúısenbisine dóp keledi. Kınofestıval 11 kúnge sozylady, degenmen konkýrsanttardy marapattaý sharanyń 9-shi keshinde ótkizilse, sońǵy kúninde qorytyndy shyǵarylyp, festıvaldyń jabylý sharasy bolady.

Kóptegen basqa kınofestıvalderge qaraǵanda bul festıvaldiń aıyrmashylyǵy onda resmı tóreshiler bolmaıdy. Al sharanyń «Kórermen kóńilinen shyqqan týyndy» atty bas júldesi kórermenniń daýys berýi nátıjesine oraı beriledi.

Festıval baǵdarlamasynda otandasymyz Tımýr Bekmambetov prodıýser bolǵan «Hardkor» fılmi erekshe orynǵa ıe bolyp otyrǵanyn atap ótken jón. Óıtkeni, atys-shabys janryndaǵy bul fılm tolyǵymen birinshi tulǵa atynan túsirilgen alǵashqy týyndy bolmaq.

Aıta keterligi, kıno festıval aıasynda Rıdlı Skotttyń «Marsıanın», Denı Vılnevtiń «Jaldanýshy», Pıter Solletttiń «Muragerlikke quqyq», Tom MakKartıdiń «Basty nazarda», Djoslın Mýrhaýstiń «Tiginshi áıel» syndy týyndylary kórsetiledi.