ÁLEM APTA ІShІNDE: Sırııany retteý taǵy da tuıyqqa tireldi

Juma kúni BUU-nyń Sırııadaǵy janjaldardy retteý jónindegi arnaıy ókili Kofı Annan óz qyzmetinen ketýge sheshim qabyldady. Onyń resmı otstavkasy 31 tamyzda kúshine enedi. Degenmen, bul sheshimniń saldary qazirdiń ózinde-aq biline bastaldy.

Halyqaralyq sarapshylar bul qadamdy janjaldardy retteýdiń odan arǵy bolashaǵynyń is júzinde joq ekendigin bildiretin ári teketires barynsha qaıǵyly jaıttarǵa ulasatyn jańa tolqynmen beleń alatynyn kórsetetin aıqyn belgi retinde atap ótýde. ıAǵnı, bitimgershilik úderistiń basynda júrgen adam janjaldardy retteý úmitiniń barlyǵynan da aıyryldy degen sóz.

K.Annannyń laýazymdy qyzmetinen ketýine baılanysty málimdeme jasaǵan BUU Bas hatshysy Pan Gı Mýn Sırııadaǵy zorlyq-zombylyq shıyrshyǵy odan ári shıratylyp bara jatqandyǵyna alańdaýshylyq bildirgen. «Zorlyq-zombylyqtan bas tartýǵa baǵyttalǵan kúsh-jiger, ıaǵnı, janjaldasýshy taraptardy dıplomatııa men suhbattastyqqa kóshirý qoldaý tappady. Degenmen, dál osy suhbattastyq Sırııa halqy úshin jalǵyz nusqa bolyp qalyp otyr»,-  delingen Bas hatshynyń málimdemesinde.

Sonymen qatar ol Reseı men Qytaıdyń túbegeıli ustanymdary arnaıy elshiniń otstavkaǵa ketýinde barynsha ról oınaǵandyǵyn da tuspaldap jetkizdi. Sonyń saldarynan sırııalyq janjaldasýshy taraptardyń birde-biri zorlyq-zombylyqtan bas tartýdy tipti qaperlerine de alar emes.

Árıne, muny oń trendke baǵalap otyrǵan Reseı bir jarym jyldan beri qarsylas bolyp otyrǵan taraptar bir ústel basynda kezdesetindiginen áli de bolsa kúder úzer emes. Reseıdiń BUU-daǵy turaqty ókili Vıtalıı Chýrkın oryn alǵan jaıtqa ókinishin bildirýmen qatar taıaý arada jańa arnaıy elshi taǵaıyndalatyndyǵyna senim artýda.

Sonymen qatar dál osy kúni BUU Bas assambleıasy Sırııa Prezıdenti bashar Asadtyń rejimin syn tezine alǵan qarar qabyldady. Qujattyń qabyldanýyna 133 el jaqtap daýys berse, taǵy 12 memleket qarsylyq bildirdi, al 31 el qalys qaldy.

Batystyq buqaralyq aqparat quraldarynyń málimetterine qaraǵanda, qararda Sırııa Prezıdenti Bashar Asadty oppozıtsııaǵa qarsy aýyr áskerı tehnıkalardy qoldanýdy toqtatýǵa shaqyrylǵan. Bul rette qujatta B.Asadqa bılikten bas tartý talaby qoıylyp otyrǵan joq. Degenmen, onda BUU Bas Assambleıasynyń Arab memleketteri lıgasynyń Sırııaǵa qatysty barlyq sheshimderin, onyń ishinde otsavkaǵa ketýge shaqyrýyn da qoldaıtyndyǵy atalyp ótilgen.

Qararda sondaı-aq BUU Qaýipsizdik keńesiniń el basshylyǵyna yqpal etýge qaýqarsyz ekendigi de atalǵan. Budan bólek, qujatta sırııalyq janjaldasýshy barlyq taraptardy zorlyq-zombylyqty toqtatyp, mámilege kelýge shaqyrǵan dástúrli úndeý de qamtylǵan. Alaıda ony estir qulaqtyń bolmaıtyny qazirdiń ózinde aıqyn bolyp tur.

Aıta keterligi, qararda Sırııaǵa qarsy jańa sanktsııalar engizý qajettigi týraly usynys engizilmegen. Ázirshe, Batys Eýroodaqtyń Sırııaǵa qatysty ótken aptada engizigen qosymsha sanktsııalaryna toqmeıilsýde. Ol kezde elge qarý-jaraq jetkizýge shekteý qatańdatylyp, el basshylyǵyna qarsy qoldanylatyn shekteýshi sharalardyń tizimi ulǵaıtylǵan edi. Sondaı-aq Eýroodaq el prezıdenti B.Asad rejimimen baılanysy bar 26 tulǵanyń aktıvterin toqtatyp, olarǵa EO elderine kelýge shekteý qoıdy, al eýropalyq kásipkerlerge úsh sırııalyq kompanııamen bıznes júrgizýge tosqaýyl jasady.

Bul kúnderi barlyq buqaralyq aqparat quraldarynyń nazary Londonda ótip jatqan HHH jazǵy Olımpıada oıyndaryna aýǵanymen, Taıaý Shyǵystaǵy ahýal birtindep ýshyǵyp kele jatyr.  Taıaý aralyqta Sırııadaǵy  janjaldasýshy taraptar ózderiniń taktıkalaryn ózgertip, bılik úshin kúreste jańa arandatýshylyq qadamǵa baratyndyǵy sózsiz.