ÁLEM APTA ІShІNDE: Sırııa ahýaly - endigi ýaqytta batys Bashar Asadqa jaý emes

Reuters agenttiginiń aty-jóni jarııa etilmegen derekkózge silteme jasap habarlaýynsha, buǵan deıin oppozıtsııaǵa barynsha qoldaý bildirip kelgen batys elderi Sırııanyń oppozıtsııalyq jáne revolıýtsııalyq kúshteri ulttyq koalıtsııasyna endigi ýaqytta eldiń bılik basyndaǵy prezıdenti Bashar Asadty taqtan taıdyrý mańyzdy máselelerdiń biri bolyp otyrmaǵandyǵyn shet jaǵalap túsindirgen kórinedi.
Batys Sırııanyń is basyndaǵy basshysy aýysqannan keıingi oryn alýy múmkin stsenarııdi barynsha jan-jaqty talqylaı kele, lańkestik jáne ekstremıstik shabýyldardyń jańa tolqynynyń qateri elge, sonymen birge batys memleketterine de baǵyttalýy múmkin degen qorytyndyǵa kelgen.
Sonymen qatar batys qazirgi prezıdent Bashar Asadtyń saıası kúshiniń zor ekendigin ári halyqtyń basym bóligi ony qoldaıtyndyǵyn moıyndap, jekelegen oppozıtsııalyq toptar men qozǵalystardyń basym bóligi is júzinde Ál Kaıdadyń jergilikti uıashyǵynyń qataryna ótip ketkendigine basa nazar aýdaryp otyr. óıtkeni mundaı jaıt óńirdegi, sondaı-aq odan tysqary aýmaqtaǵy jaǵdaıdy barynsha qıyndatatyndyǵy túsinikti.
Batystyq odaqtastar Asadpen birge bılik basynda alavıtter de qalýy tıis degen ustanymda. Bul eldegi bıliktiń qazirgi formatyn saqtaýǵa, al bolashaqta bıliktiń jeńil aýysýyna múmkinshilik bermek.
Sırııalyq oppozıtsııa Batystyń mundaı jańa kózqarasyna aıran-asyr bolyp otyr. Olardyń paıymynsha, mundaı sheshim oppozıtsııalyq kúshterdiń arasynda alaýyzdyq týyndatyp, úsh jylǵa sozylǵan rejimge qarsy kúresti joqqa shyǵarady. Al bul aǵymdaǵy jyldyń qyrkúıek aıynda úkimettik áskerge áýeden soqqy jasaýdan bas tartý sheshimi qabyldaǵannan keıingi batys elderiniń búgingi qadamy oppozıtsııanyń óz ustanymyn joǵaltýynyń ekinshi kezeńi desek te bolady.
Sırııaǵa qatysty batystyq baǵalaýlardyń ózgeriske ushyraǵanyn Reseıdiń Syrtqy ister mınıstri Sergeı Lavrov ta atap ótti. Osy apta ishinde ol Asadtyń bılikte bolýy lańkesterdiń eldi basyp alýyna qaraǵanda qaýipti emes ekendigin batys moıyndaı bastaǵandyǵyn málim etti. S.Lavrovtyń atap ótýinshe, bul taqyryp batys úkimetteri ókilderiniń jarııa kommentarıılerinde qazirdiń ózinde qozǵalýda.
B.Asadtyń bılik basyna kelýine qatysty taqyryp onyń qazirgi ókilettigi keler jyly aıaqtalyp, elde kezekti prezıdenttik saılaýdyń ótkiziletindigine oraı jandana túsken bolatyn. Sál erterek ol memleket basshysy laýazymyna óziniń kandıdatýrasyn usynatyndyǵyn jarııa etken edi. Al bul habar eldegi oppozıtsııa men Batys elderine unaı qoımaǵandyǵy anyq.
Degenmen taıaý aralyqtaǵy mańyzdy oqıǵalardyń biri kelesi jyldyń 22 qańtaryna belgilengen beıbit jolmen Sırııadaǵy ahýaldy retteýge baǵyttalǵan «Jeneva-2» konferentsıasy bolatyndyǵy anyq. Qazirdiń ózinde Sırııa úkimetiniń atalǵan alqaly jıynǵa baratyn óz delegatsııasynyń tizimin túzip qoıǵan kórinedi. Biraq, eldiń basty oppozıtsııalyq qozǵalystardyń konferentsııaǵa tolyq qatysý máselesi ázir sheshim tapqan joq. Buǵan deıin oppozıtsııalyq kóshbasshylar tarapynan konferentsııany elemeýge úndeýler oryn alǵan bolatyn.
Aıta keterligi, konferentsııaǵa 26 eldiń delegatsııasy qatysatyndyǵy josparlanǵan. Alaıda, bul rette Irannyń qatysýy kúńgirt bolyp tur. Óıtkeni, onyń qatysýyna AQSh bastaǵan birqatar el óre túregelip qarsylyq tanytsa, Reseı Irannyń kelissózshiler tiziminde bolýyn tabandap qoldaýda.
Konferentsııanyń kún tártibi men oǵan qatysatyndardyń tizimi týraly ortaq ymyraǵa qol jetkizilgennen keıin BUU Bas hatshysy Pan Gı Mýn qatysýshylarǵa arnaıy shaqyrtý jiberedi dep kútilýde.