ÁLEM APTA ІShІNDE: Shengen tóńiregindegi shyrǵalań shıryǵyp tur
ASTANA. QazAqparat - Ótken aptada kınosúıer qaýym mártebeli «Oskar» syılyǵyn tabystaýdyń 88-shi saltanatty sharasyna kýá boldy. Osylaısha, uzaq ýaqyttan beri «Lenardo Dı Kaprıo nagrada ala ma, almaı ma?» degen talaıdyń kókeıindegi saýalǵa jaýap berildi. Al dál osy sátte kári qurlyqta bosqyndardyń leginiń astynda qalǵan memleketter bir-birinen shekaralaryn jaýyp, dúrligip jatqan edi.
«Oskar» syılyǵy tabystaldy
Ótken jeksenbide álem jurtshylyǵy kıno óneri salasyndaǵy basty oqıǵalardyń biri «Oskar» syılyǵyn tabys etýdiń 88-shi saltanatty sharasyn tamashalady.
Osy joly Tom Makkartıdiń «V Tsentre vnımanııa» fılmi úzdik fılm jáne úzdik stsenarıı atalymynda «Oskar» syılyǵyna ıe boldy. Bul týyndy AQSh-taǵy májbúrlep jynystyq qatynasqa salý tóńiregindegi qylmysty shynaıy jýrnalıstik tergeý tóńireginde órbıdi. Boston gazetiniń tilshisi katolık shirkeýi ókilderi aıyptaǵan pedofıldiń bet-beınesin áshkere qylady.
Al úzdik er adam róli úshin beriletin «Oskar» syılyǵy bul joly «Vyjıvshıı» dramasynda ańshy Hıý Glastyń rólin somdaǵan Lenardo Dı Kaprıoǵa buıyrdy. Bul akterdiń óner jolyndaǵy alǵashqy músinshesi. Bul oǵan deıin de atalǵan syılyqqa 5 márte akter retinde jáne 1 ret prodıýser retinde usynylǵan bolatyn. Aıta keterligi, Leo armanyna jetip «Oskar» syılyǵyn ıelengen kezde Twitter jelisin paıdalanýyshar 1 mınýttyń ishinde 440 myńnan astam shaǵyn jazba qaldyryp, shaǵyn bloktaǵy jańa rekordty ornatty.
Úzdik áıel róli «Komnata» fılminde basty rólde oınaǵan Brı Larsonǵa berildi. Fılm sıýjeti jyldar boıy 5 jastaǵy balasymen tar bólmede qamalǵan belgisiz áıeldiń tarıhynan syr shertedi.
Kınoakademııanyń sheshimimen úzdik rejısser dep «Vyjıvshıı» fılmi úshin meksıkandyq Alehandro Gonsales Inıarrıtý tanyldy. Al onymen birge jumys istegen meksıkandyq kınooperator Emmanýel Lıýbetskı úzdik operatorlyq jumysy úshin «Oskar» syılyǵyna laıyq dep tanyldy.
Rejısser Djordj Mıllerdiń «Bezýmnyı Maks: Doroga ıarostı» mynadaı alty atalymda úzdik atandy: «Sýretshi-qoıýshynyń úzdik jumysy», «Úzdik kostıýmshi», «Úzdik montaj», «Úzdik grım jáne shash úlgisi», «Úzdik dybys» jáne «Dybysty úzdik montajdaý».
«Úzdik án» músinshesin 23 jastaǵy ánshi Sem Smıt pen Djımmı Neıps «007: Spektr» fılmindegi «Writing's on the Wall» áni úshin aldy. Al Amerıka kınoakademııasynyń «Shetel tilindegi úzdik fılm» atalymyndaǵy syılyǵy vengerlik rejısser Laslo Nemeshtyń «Syn Saýla» fılmine berildi.
Shengen tóńiregindegi shyrǵalań
Beısenbi kúni Danııa úkimeti Eýrokomıssııany 3 sáýirge deıin elge qujatsyz mıgranttar aǵynynyń aldyn alý úshin Germanııamen aradaǵy shekarasynda baqylaý engizý merzimin uzartatyndyǵyn qulaqtandyrdy.
«Búgin tańerteń Eýrokomıssııa dat bıliginen 2016 jyldyń 3 sáýirine deıin ishki shekaradaǵy ýaqytsha baqylaýdy uzartatyndyǵy týraly hat aldy», - dep málim etti Eýropalyq komıssııanyń resmı ókili Natasha Berto sol kúni ótken baspasóz máslıhaty barysynda.
Іriktelgen tólqujat baqylaýy Germanııadan jolaýshylar poıyzymen, avtobýspen jáne teńiz paromymen keletin azamattarǵa qatysty engizilgeni atalyp ótilgen.
El úkimeti ýaqytsha shekaralyq baqylaýdy 4 qańtar kúni Taıaý Shyǵys pen Afrıka elderinen keletin mıgranttar leginiń ósimine jaýap retinde engizgen bolatyn. Este bolsa, Shvetsııa da Danııamen shekarasynda tólqujat baqylaýyn engizgen edi.
Bir kún buryn Stokgolm shved-dat shekarasyndaǵy baqylaýdy 30 kúnge uzartýǵa nıet tanytyp otyrǵanyn habarlaǵan bolatyn. Mundaı málimdemeni eldiń Mıgratsııa máseleleri jónindegi mınıstri Morgan ıÝhansson shvedtiń «Expressen» gazetine bergen suhbatynda aıtqan-dy. «Eger biz shekaralyq baqylaýdan bas tartar bolsaq Shvetsııanyń ishki qaýipsizdigi men tártibine qater tóný qaýpi áli de bar», - dedi ıÝhansson.
Onyń atap ótýinshe, bul sharany qabyldaýdaǵy basty sebep elge kelip jatqan bosqyndarǵa baspananyń jetispeýshiligi jáne olardyń sanynyń osy jyldyń ishinde kúrt artyp ketýi bolyp otyr.
«Aǵymdaǵy jyldyń qańtarynda Túrkııadan Grekııaǵa aǵylǵan bosqyndardyń sany ótken jyldyń qańtarymen salystyrǵanda 10 ese kóp boldy. Biz bosqyndarǵa arnalǵan baspanalardyń lyq tolýy jaǵdaıynda turmyz», - degen edi ol.
Osydan biraz ýaqyt buryn ǵana bosqyndardy qushaq jaıa qarsy alǵan Shvetsııa da endigi ýaqytta rekordtyq kórsetkishke jetken mıgranttar legimen kúrese almaıtyndyǵyn málimdedi.
Stokgolm men Kopengagenniń sheshimi jarııa etilgennen keıin Belgııa men Frantsııanyń shekarasynda da shekaralyq baqylaý rejiminiń uzartylatyndyǵy týraly aqparat eýropalyq qoǵamdastyq úshin tosyn habar bolmaǵany túsinikti.
Brıýssel 23 aqpannan bastap kórshi eldermen shekarasyn jabýyn 10 kúndik merzimge uzartatyndyǵyn jarııalady. Eldiń mundaı qadamǵa barýyna Frantsııanyń Kale qalasy tusyndaǵy shatyrlyq lagerler súriletindigi týraly sheshim qabyldaǵannan keıin bosqyndardyń kóbeıý múmkindigi sebep boldy.
Aıta keterligi, dúısendi kúni Frantsııa bıligi Kaledegi mıgranttar lagerlerin súrý jumystaryna kirisken edi. Jergilikti bıliktiń málimetterine sáıkes súrilýi tıisti lagerlerde myńǵa jýyq bosqyndar turyp jatyr.
Aıta keterligi, Danııa, Shvetsııa jáne Belgııadan bólek Norvegııa, Avstrııa, Germanııa jáne Frantsııa elderi óz shekaralaryndaǵy tólqujat baqylaýyn júrgizýde.
