ÁLEM APTA ІShІNDE: Ońtústik Amerıkada úndister qyryp-joıý jalǵassa, Eýropada shahterler men bort qyzmetkerleri ereýildeýde

Al Saýd Arabııasynda, Djıdda men Er-Rııad qalasynda lańkestik árekettiń joly kesildi. Qolǵa túsken 8 adamnyń 2 ekeýi saýdtyq bolsa, qalǵandary Iemen azamattary.  Lańkesterdiń krımınaldy shabýyldarynyń múmkindi nysandary Saýd Arabııasy Koroldiginiń qaýipsizdik kúshteri, jergilikti turǵyndar jáne sheteldik azamattar bolýy tıis edi.

Venesýela úkimeti maýsym aıynda ıanomamı taıpasynyń 80-nen astam úndisiniń óltirilýine baılanysty tergeý amaldarynyń bastalǵandyǵy týraly aqparatty taratty. Aldyn ala málimetter boıynsha, bul jantúrshigerlik qylmysqa altyn óndirýshilerdiń qatysy bolýy bek múmkin. Sondaı-aq altyn óndirýshiler úndisterdiń úılerin órtep jibergen degen boljam bar. Buǵan deıin ıanomamı úndisteri altyn óndirýshilerdiń óz jerlerine ıelik etkisi keletindikterin aıtyp, birneshe márte shaǵym jasaǵan bolatyn.

Apta boıy  ereýilder týraly aqparattar legi de molynan jarııa etildi. Máselen, Italııada «Carbonsulcis» kompanııasynyń 40 shahteri jer asyna túskennen keıin tosqaýyl jasap, ózderin jaryp jiberetindikterin aıtyp, qoqan-loqy jasady. Shahterler Italııadaǵy eń sońǵy kómir óndiretin shahtanyń jumysyn jandandyryp otyrǵan kásiporynnyń jabylǵandyǵy týraly aqparattan keıin osyndaı qadamǵa baryp otyr.

Al Germanııada Maındaǵy Franfýrkt áýejaıynda bort qyzmetkerleri ereýilge shyǵyp, shamamen 100 áýe reısi keıinge shegerildi. Ereýilge shamamen myńǵa jýyq bort qyzmetkerleri qatysty. Qatarynda shamamen 19 myń adam bar Bort qyzmetkerleriniń táýelsiz uıymy  áriptesterin tarıftik kelisimderdi qaıta qaraý týraly kelissózderdiń toqyraýǵa ushyraýynan keıin qarsylyq aktsııasyna shaqyrǵan bolatyn. GFR-degi eń iri áýe kompanııa «Lıýftganz»-ben kásipodaq arasyndaǵy jalaqy men ózge de tólemderdi 5 paıyzǵa arttyrý talabynan týǵan daý-damaı mine 1 jyldan astam ýaqyt boıy óz sheshimin tabar emes.

Birikken Ulttar Uıymynyń Bas hatshysy Pan Gı Mýn Astanada ótken «ıAdrolyq synaqtarǵa tyıym salýdan - ıadrolyq qarýsyz álemge» atty halyqaralyq konferentsııaǵa qatysýshylarǵa  úndeý joldady. «Men «ıAdrolyq synaqtarǵa tyıym salýdan - ıadrolyq qarýsyz álemge» konferentsııasyn uıymdastyrǵan Qazaqstanǵa, ásirese, osy eldiń Prezıdenti Nursultan Nazarbaevqa ıadrolyq qarýsyzdandyrý salasyndaǵy kóshbasshylyq qyzmeti úshin zor alǵysymdy bildiremin. ıAdrolyq synaqtar adam densaýlyǵyna qaýip tóndirip qana qoımaı, jahandyq turaqtylyqqa da keri áserin tıgizedi. ıAdrolyq synaqtarǵa qarsy Halyqaralyq kúndi ataı otyryp, biz osy problemaǵa kóńil aýdaryp, myńdaǵan ıadrolyq qarý-jaraqtyń qaýipti ekendigin taǵy bir márte eske salamyz. Búginde ıadrolyq synaqtardyń kez kelgen túrine tyıym salatyn Halyqaralyq kelisimshartty kóptegen memleketter qoldap otyr. Alaıda ol qujat áli de óz kúshine engen joq. Sondyqtan men Halyqaralyq kelisimshartqa qol qoımaǵan elderdi osy bastamaǵa qosylýǵa shaqyramyn. Men ózim bul memleketterdi kelistirip, ıadrolyq qarýsyzdandyrý isin ári qaraı jalǵastyratyn bolamyn», - delingen P.Gı Mýn úndeýinde.

Al konferentsııaǵa qatysýshylar QR Prezıdenti Nursultan Nazarbaevtyń BUU aıasynda ıAdrolyq qarý týraly konventsııa qabyldaý jolyndaǵy mańyzdy qadam retinde Jalpyǵa ortaq ıadrolyq qarýsyz álem deklaratsııasyn qabyldaý boıynsha jańa bastamasyna qoldaý bildiretindikterin málimdedi.