ÁLEM APTA ІShІNDE: «Musylman baýyrlar» uıymynyń 183 jaqtasy ólim jazasyna kesildi

Tsıprastyń Eýropa elderine sapary

Ótken aptada da ǵana saılaýda partııasy jeńiske jetip, el bıligin qolǵa alǵan A.Tsıpras Eýropa elderine saparyn eń aldymen Kıpr men Brıýsselge jasasa, dál osy mezette Grektsııanyń Qarjy mınıstri ıAnnıs Varýfakıs Parıj, London, Rım jáne Berlınde birqatar kezdesýler ótkizdi.

Sapar barysynda grek basshylyǵy «úshtik» aldyndaǵy nesıelik mindettemelerin oryndaýǵa daıyn ekendikterin aıtyp, qosymsha nesıe qajetsinip otyrmaǵandyqtaryn málimdedi. Sonymen qatar Reseı tarabynyń qarjylyq kómeginen de bas tartqan Grekııa eýroaımaqtyń tutastyǵyn saqtaýǵa peıildi ekendikterin de bildirdi.

Qazirgi ýaqytta SIRIZA kóshbasshylary «úshtikpen» yntymaqtastyqtan tolyq kólemde bas tartyp otyrǵany belgili. Degenmen, resmı Afına kredıtorlarmen aradaǵy suhbattastyqty ekijaqty deńgeıde qalyptastyrýǵa nıetti. Osylaısha, SIRIZA kóshbasshylarynyń eýropalyq saparynyń alǵashqy nátıjeleri eldiń Eýropaǵa baǵyt alǵan baǵdary túbegeıli ózgeriske ushyramaıtyndyǵyn kórsetip otyr.

Grekııa úkimetiniń jańa basshylyǵy Eýropaǵa óz nıettestiginiń qarymtasy retinde eki úlgili oblıgatsııalar shyǵarý jolymen «úshtik aldyndaǵy» óz mindettemelerin qaıta qurylymdaýdy usynýda. Onyń birinshisinde eýroaımaq elderiniń Grekııaǵa bergen nesıelerin almastyrý kózdeledi. ıAǵnı, nesıe tólemderi eldiń japy ishki ónimi ósimine baılanysty júzege asyrylatyn bolady. Al ekinshi úlgige sáıkes óteý merzimi kórsetilmegen oblıgatsııalar Eýropalyq ortalyq banktiń ıeligindegi grekterdiń qundy qaǵazdaryn almastyrýy qajet.

Aıta keterligi, Eýropalyq ortalyq bank, Eýropalyq turaqtylyq qory (EFSF) jáne EO-nyń jekelegen elderi Grekııanyń boryshkerlik mindettemesiniń jalpy kóleminiń shamamen 2/3-ne ıelik etip otyr. Osy somadan EOB Grekııaǵa 20 mlrd. eýro usynsa, eldiń shamamen 53 mlrd. eýroǵa jýyq qaryzy EO elderinen ekijaqty kelisimsharttar aıasynda alynǵan. Alaıda grek taraby zaımnyń basym bóligin EFSF arqyly alyp otyr. Al ondaǵy Germanııa úlesi 27, Frantsııa 20, Italııa 17 paıyzdy quraıdy.

Ázirshe Tsıprastyń mınıstrler kabıneti usynǵan mundaı usynysqa negizgi kredıtorlar kúdikpen qaraýda. Degenmen, eýropalyq elıtanyń eýropalyq ıntegratsııany saqtap qalý úshin qandaı da bir kelisimge keletindigi túsinikti jaıt. Óıtkeni, Grekııanyń biryńǵaı valıýtalyq aımaqtan shyǵýy olar usynyp otyrǵan qaıta qurylymdaýdan da mol problema ákeletindigi belgili.

«Musylman baýyrlar» uıymynyń 183 jaqtasy ólim jazasyna kesildi

Osy dúısenbide Kaırdiń qylmystyq soty elde shekteý qoıylǵan «Musylman baýyrlar» uıymynyń 183 jaqtasyna kesilgen ólim jazasyn qýattaǵandyǵy belgili boldy. Tergeý málimetterine sáıkes, sottalýshylar 2013 jyldyń tamyzynda el armııasynyń prezıdent Mohammed Mýrsıdi taqtan taıdyrýy kezindegi sherý barysynda Kaır mańynda polıtsııa qyzmetkerlerin óltirýge qatysqan. Jaqsy qarýlanǵan adamdar toby Kaır mańyndaǵy Kerdes qalashyǵynyń polıtsııa ýchaskesin granatometpen jáne avtomatpen atqylap, departament basshysyn qosa alǵanda 13 quqyq qorǵaý organynyń qyzmetkerin óltirgen bolatyn.

Úkim Mysyr múftııaty ratıfıkatsııalaǵannan keıin jarııa etilip otyr. Bul - sottyń 2014 jyldan bergi úshinshi jappaı ólim jazasyna kesý úkimi.

El bıliginiń mundaı úkimine quqyq qorǵaý uıymdary narazylyq tanytýda. Eýroodaq ta bul sheshimdi syn tezine alyp, Mysyr bıligin sot úderisin halyqaralyq standarttar talabyna saı júrgizýge shaqyrdy.

Aıta keterligi, Mohammed Mýrsıdi 2013 jyldyń 3 shildesinde feldmarshal Abdel Fatahh ál-Sısı taqtan taıdyrǵan bolatyn. Qazirgiýaqytta eldiń eks-prezıdentine ólim jazasy kesilýi múmkin. Oǵan sherýshilerdi óltirdi jáne tyńshylyqpen aınalysty degen aıyptar taǵylýda.

Taıvanda jolaýshylar ushaǵy apatqa ushyrady

Sársenbi kúni ǵalamtorǵa Taıvanda avtokólikterdiń birinde ornatylǵan vıdeotirkeý qurylǵysynyń jazbasy jarııa etildi. Onda TransAsia Airways áýekompanııasyna tıesili ATR-72 jolashýlar ushaǵynyń apatqa ushyraý sáti beınelengen. Ushaq ózenge qulamastan buryn bir qyrynan jantaıyp, qanattarynyń biri Taıbeı qalasynyń avtomobıl kópirin ile ketken. Áýe kemesiniń ishki reısti oryndaıtyndyǵy belgili.

Taratylǵan aqparattarǵa qaraǵanda, ushaq áýege kóterilgennen keıin qozǵaltqyshy isten shyǵyp, sonyń saldarynan ózenge qulaǵan. Qazirgi ýaqytta izdeý jumystarynyń nátıjesinde 35 adamnyń múrdesi tabyldy. 15 adam apattan aman qalsa, 8-i iz-tússiz joǵalyp otyr. Jalpy ushaq bortynda 53 jolaýshy men 5 ekıpaj múshesi bolǵan.

Mamandar qulaǵan ushaqtyń 2 qara jáshigin de taýyp, ony tekserýge kirisip te ketti. Áýe kemesiniń eki ushqyshy da mert bolǵan. Taıbeı meri Ko Ven-Tsze 42 jastaǵy ushqysh Lıao Lıao Tszıan-Tszýndy batyr dep otyr. Onyń aıtýynsha, ushqysh áýe kemesin turǵyn úıler men keńselerge soqtyrmaı, alyp óte alǵan. Al ushaq turǵyn úılerge soǵylǵanda mert bolǵandar sany mudan da kóp bolar edi.