ÁLEM APTA ІShІNDE: Qazan qalasyndaǵy XXVII Dúnıejúzilik jazǵy Ýnıversıada - jeńister men rekordtar maýsymy

6 shildede bastalǵan Ýnıversıada 17 shildege deıin jalǵasady. Ol qazirgi Reseıdegi alǵashqy Ýnıversıada jáne jalpy alǵanda, kópten kútken mýltısporttyq shara. Buǵan deıin Dúnıejúzilik jazǵy Ýnıversıada Máskeýde 1973 jyly bolǵan edi.

Qazan Ýnıversıadasynyń boıtumary retinde Tatarstannyń ulttyq rámizi - ıÝnı qar barysynyń alany tańdalyp alynǵan. Al logotıpinde bes qurlyqtyń olımpıadalyq tústerimen kómkerilgen, juldyzdarmen bezendirilgen qyzǵaldaq beınelengen. Astyna «U are the World» degen 2013 jylǵy Ýnıversıadanyń urany jazylǵan. Bul tirkesti eki maǵynada túsindirýge bolady: «Sen - álemsiń» jáne «Ýnıversıada - bul bútin álem».

Qalada arnaıy Ýnıversıada úshin 30-dan astam sporttyq ǵımarattar salynǵan. Búginde solardyń barlyǵynda qyzý básekelestikke toly sporttyq sharalar ótýde. Bir qyzyǵy, Qazan qalasy jazǵy Ýnıversıadalar ótken astanalardyń eń soltústikte ornalasqany bolyp shyqty.

Tarıhta tuńǵysh ret Ýnıversıada baǵdarlamasyna 27 sport túri engizildi. Olardyń 13-i mindetti, 14-i qosymsha sport túrleri. Osy 14-tiń ishinde 5 sport túri tuńǵysh ret engizilip otyr. Mindetti 13 sport túrine jeńil atletıka, basketbol, semserlesý, fýtbol, sporttyq gımnastıka, kórkem gımnastıka, dzıýdo, júzý, sýǵa sekirý, sý doby, ústel tennısi, tennıs jáne voleıbol kiredi.

Al qosymshalardyń qataryna boks, nysana atý, sınhrondy júzý, akademııalyq esý, baıdarka men kanoeda esý, sambo, sporttyq kúres, belbeýmen kúresý, shahmat, aýyr atletıka, regbı-7, kógaldaǵy hokkeı, badmınton, jaǵajaı voleıboly sııaqty sport túrleri endi.

Ýnıversıada-2013-ke álemniń 162 elinen 12 myńnan astam sportshy qatysýda. Eń úlken komanda retinde quramynda 663 sportshysy bar Reseı tanylyp otyr.

Saıystar ótetin 2 aptada 351 medal kesheni sarapqa salynady. Barlyǵy 3014 medal jasalǵan. Jarystardy 2297 tóreshi baǵalaıdy, al olardyń jartysynan kóbi - reseılikter.

Reseı tarapy atalǵan sport dodasyn ózderi úshin ǵana emes, sondaı-aq álemniń túkpir-túkpirinen kelgen qonaqtary úshin de umytylmastaı etip ótkizbek nıetinde. Máselen olardyń uıymdastyrýymen «Mádenı Ýnıversıada» atty joba aıasynda óner merekesi men salt-dástúr festıvalderi uıymdastyrylýda. Mundaı sharalar Dúnıejúzilik stýdenttik oıyndar kezinde tuńǵysh ret ótkizilip otyr dep aıtýǵa bolady. Oıyndar kezinde Qazan turǵyndary men qonaqtary Reseı halyqtarynyń baı mádenıetin qonaqtarǵa kórsetip qana qoımaı, ózderi de ár eldiń qazirgi zamanǵy mádenıetimen keńinen tanysýǵa múmkindik alady.

Qazan Ýnıversıadaǵa 2008 jyldan beri daıyndaldy. Barlyq uıymdastyrý jáne ótkizý jumystaryna 7,6 mlrd. dollary jumsalǵan kórinedi. Al sharanyń ashylý jáne jabylý saltanattary ótetin Kazan-Arena stadıonyn salý úshin 516 mln. dollar jumsalǵan.

Quramynda 134 sportshysy bar Qazaqstan quramasy sporttyń 14 túri boıynsha baq talastyrýda. Búgingi kórsetkish boıynsha elimiz ázirge 14-orynǵa taban tirep tur. Otandastarymyz jeńil jáne aýyr atletıkadan 2 altyn medal, 7 kúmis (boks, belbeýmen kúres, semserlesý, aýyr atletıka), sondaı-aq 5 qola medal utyp aldy.