ÁLEM APTA ІShІNDE: «Islam memleketi» sodyrlary baǵa jetpes kóne jádigerlerdi talqandaýda

«Oskar» syılyǵyn tabys etýge arnalǵan 87-shi shara

Ótken jeksenbide álemdik qoǵamdastyq kınematografııa salasyndaǵy basty oqıǵalardyń biri Los-Andjeleste «Oskar» syılyǵyn tabys etýdiń 87-shi saltanatty sharasyn tamashalady. Aǵymdaǵy jyly shoýdy tanymal amerıkandyq akter, ánshi ári sıqyrshy Nıl Patrık Harrıs júrgizdi. Este bolsa, ol ótken jyly «Tonı» syılyǵyn tabys etý sharasyn, sonymen birge 2 ret «Emmı» televızııalyq syılyǵyn tabystaý saltanatyn júrgizgen bolatyn. Kópshilik kútkendeı, jyldyń úzdik fılmi bolyp meksıkandyq rejısser Alehandro Gonsales Inıarıtýdiń «Berdmen» týyndysy tanyldy. Meksıkalyq «Dolbı» kınoteatrynyń sahnasyna 3 márte kóterilip, úzdik rejıssýra, biregeı stsenarıı atalymdarynda da «Oskar» syılyǵyn ıelendi.

Jyldyń úzdik akteri «Vselennaıa Stıvena Hokınga» fılminde basty róldi somdaǵan Eddı Redmeın atansa, úzdik aktrısa atalymynda «Vse eşe Elıs» kartınasyna túsken Djýlıanna Mýr jeńiske jetti.

Ekinshi jospardaǵy úzdik róldi oryndaǵany úshin beriletin syılyq Djeı Keı Sımons («Oderjımost») pen Patrısııa Arket («Otrochestvo») tabystaldy.

Al «Úzdik derekti fılm» atalymynda rejısser Lora Poıtrastyń AQSh barlaý qyzmetiniń burynǵy qyzmetkeri Edvard Snoýdenge arnalǵan «Grajdanın chetyre» atty jumysy úzdik dep tanyldy.

Aǵymdaǵy jyly «Úzdik tolyq metrajdy mýltfılm» atalymyn irikteýde tosyn jaıttar oryn aldy desek te bolady. Óıtkeni, aldyn ala boljamdar qıys ketip, bul sanattaǵy bas júlde Walt Disney Animation Studios túsirgen «Gorod geroev» mýltfılmine berildi. Al «Úzdik qysqa metrajdy mýltfılm» atalymynda adam men ıttiń dostyǵy jaıynda syr shertetin «Pır» týyndysy «Oskar» syılyǵyn aldy.

«Selma» fılminde oryndalǵan Marten Lıýter Kıng jaıyndaǵy «Glorııa» áni altyn músinshege ıe bolsa, úzdik sheteldik fılm atalymynda polıak rejısseri Pavl Pavlıkovskııdiń «Ida» týyndysy «Oskar» syılyǵyna laıyq dep tanyldy.

«Islam memleketi» sodyrlary kóne jádigerlerdiń talqanyn shyǵardy

Beısenbi kúni «Islam memleketi» toby sodyrlarynyń Iraktyń soltústigindegi Mosýl qalasyndaǵy mýzeıde kóne jádigerlerdi talqandaýy beınelegen beınejazba ǵalamtordy sharlap ketti.

Beınejazbada jıhadshylar kóne músindi jerge qulatyp, ony balǵa men dreldiń kómegimen kúl-talqanyn shyǵardy. Atalǵan jádiger bizdiń ǵasyrymyzǵa deıingi IX-VII ǵasyrǵa tıesili Assırııa dáýiriniń qundy eskertkishi bolatyn ári ıÝNESKO-nyń dúnıejúzilik mádenı muralar tizimine de alynǵan edi. Talqandanǵan jádigerler qatarynda adam beıindi qanatty buqa - Shedý beınelengen bizdiń dáýirimizge deıingi IX ǵasyrdaǵy baǵa jetpes shýmerlik dáýirge tıesili músin de bar. Atalǵan mýzeıdegi kollektsııalarmen jete tanys mamandardyń aıtýynsha, budan bólek osydan 3 myń buryn jasalǵan músinder de talqandalǵan.

Taratylǵan beıne materıalda talqandalǵan jádigerler «jalǵan puttar» ekendigi aıtylyp, sol úshin radıkaldar olardyń kózderin qurtqandyǵy jan-jaqty baıandalǵan. Al mamandar olardyń tupnusqa jádigerler ekendigin ári álemdik mádenıet orny tolmas shyǵynǵa ushyraǵandyǵyn aıtyp, qynjylys bildirýde.

Aıta keterligi, «Islam memleketi» baqylaýyna kóshken aımaqta shamamen 2 myń arheologııalyq eskertkish bar. Olardyń qataryndaǵy biregeı qundy kitaptardy jıhadshylar Ilam ilimine qaıshy keledi degen syltaýmen joıyp ta jibergen. Máselen, olar Mosýl qalasynyń Ortalyq kitaphanasyn jáne Mosýl ýnıversıtetiniń kitaphanasyn tonap, órtep jibergen. 10 myńǵa jýyq tom kitap joıylǵan. Olardyń qatarynda mádenıetke, fılosofııaǵa, arab tarıhyna qatysty óte sırek kezdesetin kitaptar men júzdegen manýskrıptter bar.

Degenmen de, birqatar batys buqaralyq aqparat quraldarynyń aqparatyna qaraǵanda Sırııa men Iraktan zańsyz shyǵarylǵan jádigerler eýropalyq jáne azııalyq elderde ótetin aýktsıondarda saýdaǵa túsip otyrady. Al satylymnan túsken qarjy lańkestik is-qımyldardy qarjylandyrýǵa jumsalýda.