ÁLEM APTA ІShІNDE: Grýzııa shyndyǵy ári bolashaqtyń jańa qamy
ASTANA. 20 qazan. QazAqparat - Ótip bara jatqan apta ishinde halyqaralyq qaýipsizdik pen elderdiń odan arǵy ózara is-qımyldaryna qatysty máseleler barynsha mol spektrdy qamtyǵan bolatyn.
Bul rette aıta keterligi, eýrazııalyq óńirdiń jiti nazaryna Grýzııa prezıdenti Mıhaıl Saakashvılı tóńireginde órbigen oqıǵalar men Qap taýy óńirindegi bılik aýysýy prespektıvasy ilikti. Grýzııanyń zańnamalyq organynda ótken saılaýdyń nátıjesinde Bıdzın Ivanıshvılı basqaratyn oppozıtsııa ókilderi jeńiske jetti. Este bolsa, ótken jyldyń sońynda bul oppozıtsıoner el Prezıdentiniń Jarlyǵymen Grýzııa azamattyǵy mártebesinen aıyrylyp qalǵan edi. Degenmen ol Grýzııa azamattyǵyn qaıtaryp ala alǵan-dy.
Birden aıtaıyq, B.Ivanıshvılımen baılanysty oqıǵalar barynsha túrlenip turatyndyǵy este. Joǵaryda atap ótkenimizdeı, ol Gúrji eliniń azamattyǵynan Mıhaıl Saakashvılıdiń Jarlyǵymen aıyrylǵan. El basshysy mundaı qadamǵa B.Ivanshıvılıdiń Frantsııa azamattyǵyn alǵandyǵyn moıyndaǵannan keıin barǵan edi. Biraq, ta sál keıinirek ol frantsýz eliniń azamattyǵynan bas tartyp, grýzııa azamattyǵyn alý úshin birneshe márte sot aldyna júgindi. Alaıda, onyń azamattyǵyn qaltyna keltirý týraly sot sheshimi qabyldanbady.
Degenmen 1 qazanda Grýzııada ótken parlamenttik saılaýǵa 14 partııa men eki saıası blok qatysyp, olardyń qatarynda B.Ianıshvılı basqaratyn koalıtsııa da boldy. Saılaý aralas tizimdik-majorıtarlyq júıe boıynsha ótti.
Grýzııa ortalyq saılaý komıssııasynyń aldyn ala berip otyrǵan málimetterine sáıkes, B.Ivanıshvılı basqaratyn «Grýzııa armany» koalıtsııasy Parlamentte 85 mandatqa, al «Birtutas ulttyq qozǵalys» 65 mandatqa ıe bolǵan. Sondyqtan da, el jurtshylyǵynyń basym bóligi bılik áskerı is-qımyldarǵa bastamashy bolmaıtyn barynsha jaıly kóshbasshyǵa kóshkendigine qýanýda.
Saılaýdan keıin birden Grýzııa úkimeti otstavkaǵa ótinish berdi. Qazirdiń ózinde jańa bılik ókilderiniń esimderi belgili bolyp jatyr ári olar eldegi saıası-ekonomıkalyq baǵytty sátti júrgize alady degen boljam da bar.
Aıtpaqshy, tanymal telejúrgizýshi Tına Kandelakıge Grýzııa úkimetinde vıtse-premer laýazymy usynyldy degen qyzyqty aqparat ta jeldeı esti. Degenmen onyń bul usynysty qabyl alǵandyǵy ne bolmasa almaǵandyǵy jaıynda eshbir sybys joq. Biraq, kópshilik halyqaralyq sala máselelerindegi onyń ustanymy ózindik nıetpen ǵana shektelýi ekendigin jaqsy biledi.
Jalpy, jańa úkimet basshysy men onyń koalıtsııasynyń ýádesi óńirdegi elder arasyndaǵy senimge negizdelgen qarym-qatynastardyń jańǵyrýyna jańasha túrtki bolady dep sený ǵana qalyp otyr.
