ÁLEM APTA ІShІNDE: Eýropalyq ortalyq banktiń tosynsyıy

Eýropalyq ortalyq banktiń tosynsyıy

Beısenbi kúni Eýropalyq ortalyq bank basqarýshylary keńesiniń kezekti otyrysy ótip, onyń qorytyndysynda eýroaımaqtaǵy ekonomıkalyq ósimdi yntalandyrýǵa baǵyttalǵan qosymsha sharalar týraly sheshim qabyldandy.

«Ózimizdiń turaqty ekonomıkalyq jáne valıýtalyq saraptamalarymyzǵa arqa súıeı otyryp, biz aqsha-nesıe saıasatynyń jaı-kúıine tyńǵylyqty sholý jasaý sheshimin shyǵardyq. Onda biz qyzmetkerlerimizdiń 2018 jylǵa deıingi bolashaqqa arnalǵan jańa makroekonomıkalyq boljamdaryn da eskerdik. Nátıjesinde basqarýshylar keńesi keshendi sharalar týraly sheshim qabyldady», - dedi Eýropalyq ortalyq banktiń basshysy Marıo Dragı beısenbi kúni ótken baspasóz máslıhaty barysynda.

Onyń sózine qaraǵanda, eýroaımaq tarıhynda alǵash ret qaıta qarjylandyrýdyń negizgi stavkasy qazirgi 0,05 paıyzdan nólge túsirildi. Depozıtter boıynsha stavka mınýs 0,3 paıyzdan mınýs 0,4 paıyzǵa deıin, marjınaldyq stavka qazirgi 0,3 paıyzdan 0,25 paıyzǵa deıin tómendetildi.

«Biz aktıvterdi satyp alý baǵdarlamasy (sandyq jeńildetý baǵdarlamasy redaktor eskertpesi) aıasynda aısaıynǵy satyp alýdy 60 mlrd. eýrodan qazirgi ýaqytta 80 mlrd. eýroǵa deıin keńeıtýdi sheshtik», - dedi M.Dragı.

«Eýroaımaqtaǵy ınflıatsııa jyldyq mánde aǵymdaǵy jyldyń aqpanynda qańtardaǵy 0,3 paıyzben salystyrǵanda mınýs 0,2 paıyz boldy. Energııa tasymaldaýshylardyń qazirgi fıýcherstik baǵasyna arqa súıer bolsaq, taıaý aılardyń ishinde ınflıatsııa qarqynynyń teris máni saqtalanatyn bolady jáne onyń kóterilýi 2016 jyldan keıin ǵana oryn alady», - dep qosty ol.

Deflıatsııa qaýipi qazirgi ýaqytta álemdik ekonomıkanyń qalpyna kelýi úshin basty táýekel sanalýda. Buǵan qosa, ınflıatsııa 0,3 paıyzdyq ortasha deńgeıde turatyn eýroaımaqta bul barynsha osal jaıt sanalady. Sondyqtan da Eýropalyq ortalyq bank bankırleri qatty qysymǵa túsýde jáne qoldarynan kelgenshe sharalar qabyldaýǵa tyrysyp baǵýda.

Eýropalyq ortalyq banktiń naqtylanǵan makroekonomıkalyq boljamdary boıynsha 2016 jyly eýroaımaqtaǵy ınflıatsııa 0,1 paıyz deńgeıinde bolatyndyǵy kútilýde. Al 2017 jáne 2018 jyldary ol 1,3 jáne 1,6 paıyzdyq deńgeıge kóteriledi. Sondyqtanda Eýropalyq ortalyq bank mol qarjyny quıý jáne nesıe boıynsha paıyzdyq tómen stavkany belgileý arqyly ınflıatsııany jyldyq mánde 2 paıyzǵa deıin tómendetýge kúsh salýda. Alaıda olardyń bul jantalasy ázirshe esh nátıje berer emes.

Babıl ólkesindegi jarylys

Ótken jeksenbi kúni Iraktyń Babıl ólkesine qarasty Hılla qalasyna kire beristegi baqylaý-ótkizý pýnktine jarylǵysh zat qoıylǵan benzın tasıtyn kólik mingen jankeshti lańkes kelip soqtyqty.

Bılik málimetterine qaraǵanda, kúdikti júk kóligin sholǵynshylar blokpostqa jete bergen kezde toqtatýǵa tyrysqan. Alaıda, júrgizýshi polıtsııa talabyn oryndamaı odan ary júrip, jarylǵysh zatty iske qosqan. Jarylys oryn alǵan sátte baqylaý-ótkizý pýnktinde ondaǵan kólik bolǵan.

Bul lańkestik Babıl ólkesi tarıhyndaǵy eń iri oqıǵa ekendigi aıtylýda. Óıtkeni, jarylys saldarynan 60-tan astam adam ólip, shamamen 70 adam túrli deńgeıde dene jaraqatyn alǵan. Qaza tapqandardyń arasynda baqylaý-ótkizý pýnktinde qyzmetin atqaryp turǵan quqyq qorǵaý organdarynyń qyzmetkerleri kóp. Jarylystyń qýatty bolǵany sonshalyq, blok post, taıaý mańdaǵy birneshe úı qırap, 20-ǵa jýyq kólik búlingen.

«Bizde aqparat boldy, biraq, baqylaý-ótkizý pýnktindegi qaýipsizdik kúshteri barynsha biliktilik tanyta almady», - deıdi Babıl ólkesiniń qaýpisizdik jáne qorǵanys komıtetiniń basshysy Fallah Abdýl Karım.

2014 jyly naýryzda Hılla qalasy mańyndaǵy baqylaý-ótkizý pýnkteriniń birinde jankeshti iske qosqan bombadan 50 adam ólip, 150-den astam adam jaraqat alǵan edi. Osydan keıin barlyq blokposttar arnaıy tosqaýyldarmen, sonymen birge jasyrylǵan jarylǵysh zatty qashyqtan anyqtaıtyn qurylǵylarmen jabdyqtalǵan bolatyn.

Bul shabýyl jaýapkershiligin «DAISh» lańkestik uıymy óz moınyna alyp otyr. Islamshylar bul jaıynda ǵalamtor arqyly málimdeme jasady.