ÁLEM APTA ІShІNDE: «DAISh» taǵy da lańkestik áreketterge kóshti

Frankfýrttaǵy kólikter kórmesi

Seısenbi kúni Germanııanyń Maındaǵy Frankfýrt qalasynda 66-shi halyqaralyq avtomobıl salony óz jumysyn bastady. Ol Jeneva avtosalonymen qatar eki jylda bir ret ótedi jáne Eýropadaǵy mańyzdy ári álemdegi iri kólik kórmeleriniń biri sanalady.

Aǵymdaǵy jyly Frankfýrt avtosalonynyń urany - «New Mobility World». Maındaǵy Frankfýrttaǵy osy jolǵy avtomobıl kórmesiniń basty taqyryby - ilgeri kommýnıkatsııalyq júıeleri bar avtomobıl tehnologııalaryn jáne adamnyń qatysýynsyz avtomatty qozǵalys júıesin damytý.

Kórme barysynda Bentley kompanııasynyń alǵashqy serııalyq jol talǵamaıtyn kóligi Bentayga avtombıli tanystyryldy. Kóliktiń fırmalyq dóńgelek shamdary, hromdalǵan radıator shilteri, qosarlanǵan tútin shyǵaratyn júıesi jáne keń kólemdi lıýgi bar.

Jaguar mehanıkteri ózderiniń eń birinshi F-Pace krossverin tanystyrmaq. Al koreılik Hyundai brendi bolsa bul avtosalonda ózderiniń birneshe jobasyn usynyp otyr. Olardyń qatarynda keıingi ýaqytta eń kóp talqylaýǵa túsken Hyundai N 2025 Vision Gran Turismo concept kóliginiń tolyqqandy maketi bar.

BMW bolsa, jurtshylyq nazaryna shaǵyn jol talǵamaıtyn kóliktiń ekinshi býyny sanalatyn X1 krossoverin usynady. Brıtandyq Rolls-Royce kompanııasy óziniń jańa Dawn kabrıoletin tanystarady. Aıta keterligi, bul kóliktiń dızaıny Rolls-Royce Wraith avtomobıline birshama uqsas.

Sonymen qatar Frankfýrt avtosalonyna kelgen jurtshylyq Kia Sportage kóliginiń jańa býynymen de tanys bola alady. Krossoverdiń dızaıny birshama ózgeriske túsip, barynsha sporttyq kólikke beıimdelgen. Japondyq Suzuki kompanııasy V-synypty Baleno hetchbeginiń jańartylǵan modelin tanystyrdy. Jańa kóliktiń syrty túr-sıpaty aǵymdaǵy jyly Jeneva avtosalonynda kórsetilgen iK-2 modelinen esh aıyrmashylyǵy joq desek te bolady. Bir ǵana aıyrmashylyǵy - jańa hetchbektiń kólemi úlken. Al Skoda SportLine dep atalatyn Superb Combi ýnıversalynyń sporttyq nusqasyn alyp kelgen. Nemis konstrýktorlary bolsa, kórmege Audi A4 kóliginiń jańa túrin qoıǵan.

Avtomobıl óndirisiniń eń sońǵy jetistikteri tanystyrylǵan avtoshoýǵa álemniń 39 elinen myńnan astam kompanııa qatysýda. Avtosalon barysynda 219 jańa kólik túrin tanystyrý josparlanǵan.

Baǵdatta úsh jarylys oryn aldy

Beısenbi kúni Baǵdattyń shııtter basym turatyn Bab al-Shardjı ortalyq aýdanynda qatarynan 2 jarylys oryn alǵan bolǵan. Eki mashınaǵa jasyrylǵan bombany 2 lańkes jankeshti iske qosqany belgili. Sál keıinirek jergilikti aqparat agentigi negizinen shııtter turatyn Irak astanasynyń Bab al-Mýadam oramynda da úshinshi jarylystyń oryn alǵan týraly aqparat taratty.

Buqaralyq aqparat quraldary taratqan aqparattarǵa qaraǵanda, Irak astanasynda oryn alǵan lańkestik áreketterden keminde 28 adam qaza taýyp, taǵy 121 adam túrli dárejede jaraqat alǵan.

Resmı derekterge sáıkes lańkesterdiń barlyǵy da jeke-jeke jarylys oryn alǵan jerge jaıaý jetken. Jarylys oryn alǵannan keıingi alǵashqy mınýttarda eshkim de jarylys jaýapkershiligin óz moıyndaryna alǵan joq. Degenmen, sál keıinirek bul jarylystardy «DAISh» lańkestik toby uıymdastyrǵany belgili boldy.

Shilde aıynyń ortasynda Irak úkimeti eldiń batys ólkesi Anbardy «DAISh» lańkesterinen azat etý boıynsha keń aýqymdy operatsııanyń bastalǵanyn málimdegen edi. Úkimettik ásker óńirdegi eki iri qala Er-Ramadı men El-Fallýdjaǵa baǵyt alǵan bolatyn.

«DAISh» lańkestik toby ótken jyldyń jaz aıynan Iraktyń soltústiginde belsendi shabýyldaryn bastaǵan-dy. Qazirgi ýaqytta qarýly lańkestik top ırak aýmaǵynyń úshten birin, al Anbar ólkesiniń shamamen 80 paıyzyn baqylaýynda ustap otyr.

Alpi taýynda qar kóshkininen 7 alpınıst qaza tapty

Seısenbi kúni Frantsııanyń batysynda, «Ekren» ulttyq parkinde qar kóshkini saldarynan 7 adam qaza taýyp, taǵy biri jaraqat aldy. Qaıǵyly oqıǵa tús aýa Pelvý taýly alqabynda, Dom-de-Nej-dez-Ekren shyńy aýdanynda 4 myń metr bıiktikte oryn aldy.

Bastapqyda jergilikti bılik 5 adamnyń qaza tapqanyn habarlaǵan bolatyn. Keıinnen mert bolǵandardyń sany artty. Qaza tapqandardyń arasynda 3 nemis pen 2 cheh bar. Qutqarýshylardyń aqparatyna sáıkes, toptyń tek 1 múshesi ǵana tiri qalǵan.

Resmı derekke sáıkes, qar kóshkini alpınısterdiń úsh tobyn birdeı basyp qalǵan. Oqıǵa ornynda basqa da qar kóshkini astynda qalǵan adamdardyń joq ekendigine senimdi bolý úshin qutqarý jumystary júrgizýde. Oǵan 2 tikushaq pen arnaıy úıretilgen 12 ıt jumyldyrylǵan.

Aıta keteıik, Pelvý sileminde osy jyldyń ishinde ekinshi márte qar kóshkini oryn alyp otyr. Sáýir aıyndaǵy kóshkin barysynda 2 aýstralııalyq alpınıst qaza bolǵan edi. «Qar kóshkinin zertteýshiler qaýymdastyǵy» málimetterine sáıkes, Frantsııanyń Alpi taýlarynda jyl saıyn oryn alatyn qar kóshkininen otyzǵa jýyq adam qaza tabady.