ÁLEM APTA ІShІNDE: «DAISh» sodyrlary adamzatqa ortaq mádenı muralardy talqandaýda

Munan bólek, ótken jeksenbide «DAISh» sodyrlarynyń ejelgi Plmırdegi ıÝNESKO-nyń Mádenı mura tizimine engen nysandaryn joıyp jibergeni belgili boldy.

«Dárigerlerge shekara joq» uıymynyń gospıtali áýe soqqysyna ushyrady

Senbi, 3 qazan kúni jergilikti ýaqyt boıynsha túngi 2-de Aýǵanstannyń Kýndýz qalasyndaǵy «Dárigerlerge shekara joq» uıymynyń gospıtali 1 saǵatqa sozylǵan áýe soqqysyna ushyrady. Dál osy sátte aýrýhanada shamamen 200 adam bolǵan.

«Kýndyzdaǵy aýrýhana birneshe márte áýeden tastalǵan bombanyń astynda qalyp, qatty búlindi. «Dárigerlerge shekara joq» uıymynyń 3 qyzmetkeri qaza tapty jáne 30-dan astamy iz-tússiz joǵalǵan sanatynda», - delingen senbi kúni «Dárigerlerge shekara joq» uıymy taratqan resmı aqparatta.

Sál keıinirek, bul jantúrshigerlik oqıǵanyń aýqymy múldem qaıǵyly jaıttarǵa ulasqany belgili boldy. Naqtylanǵan derekterge sáıkes, áýe shabýyly saldarynan 22 adam qaza tapsa, sonyń 12-si uıym dárigeri, al 10-ny naýqas bolǵan. sonymen qatar 30-dan astam adam qatty jaraqat alǵan.

Halyq sany 300 myń adamdy quraıtyn Kýndýz qalasyn 28 qyrkúıek kúni tálibter basyp alǵan bolatyn. Qalanyń tálibter qolyna ótýi sońǵy 14 jyl ishindegi ıslamshylardyń eń iri jeńisi retinde de baǵalanýda. Alaıda, sol kúnniń erteńinde-aq Aýǵanstannyń Qorǵanys mınıstrligi qalany sodyrlar qolynan azat etýge baǵyttalǵan operatsııany bastap ketken edi.

Kýndýzdaǵy gospıtal naǵyz maıdan shebinde ornalasqan. Tálibtermen qaqtyǵys bastalǵan sátten beri eki taraptan da ulty, dinı ustanymy men saıası kózqarasy belgisiz 400 jraqattanǵan adamǵa dál osy aýrýhana kómek qolyn sozǵan bolatyn.

AQSh áskerıleri áýeden soqqy «Dárigerlerge shekara joq» uıymynyń basqarýyndaǵy aýrýhana tóńiregine jasalǵanyn jáne negizgi maqsattary «Talıban» qozǵalysy sodyrlarynyń kózin qurtý bolǵandyǵyn aıtýda.

Degenmen, dárigerler gospıtal aýmaǵynda esh sodyrdyń joq ekendigin aıtýda. Olardyń paıymynsha, amerıkandyq áskerı avıatsııanyń áýeden soqqysy dál aýrýhanaǵa baǵyttalǵan. «Talıban» qozǵalysy da bul shabýyldy qasaqana jasalǵan dep málimdeýde.

Birikken Ulttar Uıymy da Kýndýz gospıtaliniń áýe shabýylyna ushyraýyn aqtaýǵa jatpaıtyndyǵyn, tipti qylmys dep baǵalaý qajettigin málimdedi. Al uıymnyń bas hatshysy Pan Gı Mýn oqıǵanyń shyǵý tórkinin tyńǵylyqty tergeýge shaqyrýda.

Óz kezeginde AQSh Prezıdenti Barak Obama «Dárigerlerge shekara joq» uıymynyń basshysy Djoanna Lıýmen telefon arqyly baılanysqa shyǵyp, halyqaralyq uıym qyzmetkerleriniń qazaǵa ushyraýyna oraı kóńil aıtyp, oqıǵanyń shynaıy tergeletindigin málimdedi.

Degenmen, atalǵan uıym ókilideri oqıǵaǵa táýelsiz halyqaralyq tergeý júrgizýdi talap etýde. Olardyń paıymynsha, áýe shabýyly áskerı qylmyspen teń. Sondyqtan, olar AQSh, NATO nemese aýǵan bıligi júrgizetin tergeýdiń shynaıylyǵyna senim arta alar emes.

«DAISh» sodyrlary adamzatqa ortaq mádenı muralardy talqandaýda

Jeksenbi kúni Sırııanyń kóne eskertkishterdi qorǵaý jónindegi memlekettik agenttigi «DAISh» lańkestik tobynyń sodyrlary Palmırdegi Ejelgi Rım dáýirine tıesili Trıýmfaldi arkany jaryp jibergenin jarııa etti.

«Bul qalany jaýyzdyq jaýlap alǵandaı. Men kelesi jańalyqtardyń sizderge tek jaǵa ustatatyndyǵyn kútemin. Eger qala olardyń qolynda qalar bolsa, onda ol qurdymǵa ketedi», - dedi Sırııanyń kóne eskertkishterdi qorǵaý jónindegi memlekettik agenttiginiń basshysy Maamýn Abdýlkarım «Reıter» agenttigine bergen suhbatynda.

Onyń atap ótýinshe, radıkaldar eshqandaı ıdeologııalyq astarsyz-aq kez kelgen tarıhı murany qıratýǵa kirisken. «Olar dinı qundylyǵy joq ǵımarattardy da jaryp jberýde», - dedi ol.

ıÝNESKO basshylyǵy da bul oqıǵany barsha adamzat balasy úshin qasiretti jaıt dep baǵalap, Palmıra qalasynda rım dáýirinen qalǵan arkanyń qıratylýyn qatań aıyptady. «Biz Palmaradaǵy kóne ári tamasha Trıýmfaldi arqanyń qıratýylýyn aıyptaımyz», - dep habarlady uıym óziniń Twitter-degi paraqshasyna.

«DAISh» sodyrlary ejelgi Palmırany aǵymdaǵy jyldyń mamyr aıynda jaýlap alǵan bolatyn. Sol ýaqyttan beri sodyrlar ejelgi tarıhı eskertkishterdi qasaqana qıratý ústinde. Qyrkúıek aıynyń basynda ıslamshyldar Palmaradaǵy bizdiń zamanymyzǵa deıingi 103-44 jyldary kezeńinde turǵyzylǵan 3 qabir ústindegi munarany jaryp jibergen edi. Al odan buryn Bela jáne Baal-Shamına shirkeýlerin qıratqandyǵy jarııa etilgen.

Palmıra - burynǵy gúldengen, al búginde ejelgi rımniń sońǵy dáýiri sáýletiniń mańǵaz qurylystarynyń qaldyqtarymen aty shyqqan Sırııadaǵy kedeı eldi meken. Taýrat pen Іnjil boıynsha Palmıra Solomon arameı ordalarynyń joryqtaryna qarsy Evfrat jaǵasyna deıin sozylyp jatqan aldyńǵy qorǵanys bekinisi retinde negizin qalaǵan.