ÁLEM APTA ІShІNDE: Álemdik uıaly baılanys alpaýyttar jańa ónimderin tanystyrdy
ASTANA. QazAqparat - Osy aptada Barselonada Halyqaralyq uıaly baılanys kongresi óz jumysyn bastap, onda ІT-ındýstrııasynyń álemdik alyptary ózderiniń jańa ónimderin tanystyrdy. Munan bólek, osy aptada AQSh-ta taǵy bir qandy qyrǵyn oryn aldy. Naqty aıtqanda Mıchıganda qarýly adam kóligimen qala kóshelerinde kezikken adamdarǵa oq jaýdyrdy. Al Kanzasta shóp shabatyn tehnıka shyǵaratyn kompanııada jumys isteıtin bir adam óziniń birneshe qyzmettesin atyp tastady.
Halyqaralyq uıaly baılanys kórmesi
Osy aptanyń dúısenbi kúni Barselonada Halyqaralyq uıaly baılanys kórmesi óz jumysyn bastaǵan bolatyn. Ádette bul kórmege ár eldiń uıaly baılanys operatorlarynyń jetekshileri, kontent ıeleri men ony satýshylar jınalady. Іs-sharanyń basty keıipkeri - uıaly telefondar jáne onymen baılanysty kez kelgen qurylǵylar.
Aǵymdaǵy jyly kongress jumysyna Jer sharynan 2200-den astam kompanııa qatysty. Olardyń qatarynda Google, Huawei, Intel, Microsoft, Nokia, Samsung syndy álemdik deńgeıdegi alpaýyt kompanııaar bar. Tórt kúnge sozylǵan sharaǵa 100 myńnan astam adamnyń qatysqany belgili.
Kórme aıasynda ońtústikkoreılik Samsung kompanııasy óziniń Galaxy S7 smartfonyn tanystyrdy. Sonymen qatar bul kompanııa dıspleıi ıilgen Galaxy S7 Edge smartfony men Gear 360 panoramdyq kamerasyn da kelýshilerdiń nazaryna usyndy.
Aıta keterligi, taıaýda T-Mobile baılanys operatory Samsung Galaxy S7 smartfonyn basseın túbinde ashqan vıdeony jarııalaǵan bolatyn. Onda súńgýir maskasyn kıip alǵan júrgizýshi smartfon salynǵan qorapshany eki mınýttyń ishinde ashyp, ishindegilerdi, qoldaný nusqasyn, qýattaý quralyn jáne taǵy basqalaryn kórsetip shyqty. Al odan keıin ol sý astynda Galaxy S7 smartfonyn iske qosyp, onyń negizgi sıpattamalaryn aıtyp ótti. Júrgizýshi smartfonnyń sýdyń astynda qońyraý shalýǵa, fotosýret túsirýge, tipti, súıikti teleshoýdy tamashalaýǵa bolatynyn kórsetti. Alaıda jadydan shyǵarmaıtyn nárse, Galaxy S7 smartfonynyń sýdan qorǵaý sertıfıkatynda qurylǵynyń tereńdigi bir jarym metrden aspaıtyn sý astynda jarty saǵat ýaqytqa ǵana shydaıtyndyǵy kórsetilgen.
Kórme barysynda Qytaıdyń Huawei kompanııasy MateBook jańa planshetin tanystyrdy. Bul rette kompanııa ózderiniń jańa óniminiń álemdik tanymaldyqqa ıe bolyp, ótimdi taýarǵa aınalatyndyǵyna senim artyp otyr.
Munan bólek, halyqaralyq shara barysynda ońtústik kóreılik LG kompanııasy G5 smartfonyn, Acer kompanııasy Liquid Jade 2 smartfony,n sonymen qatar Lenovo men ZTE kompanııalary óz ónimderin tanystyrdy.
AQSh-taǵy qandy qyrǵyn
Mıchıgan shtatyna qarasty Kalamazý qalasynda qarýlanǵan adam óz kóligimen shahar kóshelerin keze júrip, birneshe jaıaý júrginshini oq astyna aldy. Ol shabýyldy úsh jerde, atap aıtqanda turǵyn úı kesheni mańynda,
Ford avtosalony tusynda jáne Cracker Barrel meıramhanasy janynda uıymdastyrǵany belgili.
Birinshi oqıǵa shamamen jergilikti ýaqyt boıynsha keshki 6-da oryn alǵan. Qylmysker eki balasynyń kózinshe bir áıeldi birneshe márte atqan. Áıel aman qalǵanymen aýyr jaǵdaıda aýrýǵanaǵa jetkizilgen.
Birneshe saǵattan keıin avtosalon qylmyskerleri polıtsııa shaqyrdy. Oqıǵa ornyna jetken quqyq qorǵaý organy qyzmetkerleri 53 jastaǵy ákesi men 17 jastaǵy balasynyń oqqa ushqanyn jáne taǵy bir adamnyń jaraqat alǵanyn anyqtady.
Úshinshi shabýyl «Cracker Barrel» meıramhanasynyń kólik turaǵynda oryn aldy. Qylmysker kólikterinde otyrǵan adamdarǵa oq jaýdyryp, sonyń saldarynan 5 adam qaza tapty.
Qandy oqıǵalar oryn alǵannan keıingi 2 saǵattyń ishinde 45 jastaǵy Djeıson Braıan Dalton tutqynǵa alynyp, onyń kóliginen qarý da tabyldy. Qazirgi ýaqytta belgili bolyp otyrǵany ol Uber taksı qyzmetinde júrgizýshi bolyp jumys istegen.
Aıta keterligi, osy aptada AQSh-tyń Kanzas shtatyna qarasty Hesston qalasynda da qandy qyrǵyn oryn alǵan edi. Onda Kanzasta shóp shabatyn tehnıka shyǵaratyn Excel Industries kompanııasynyń qyzmetkeri jumys ornynda qyzmettesterin atyp tastady. 38 jastaǵy Sedrık Fordtyń shabýylynan kompanııanyń 3 qyzmetkeri sol jerde jan tapsyrsa, taǵy 15 adam jaraqat alyp, onyń 5-eýi aýyr halde aýrýhanaǵa jetkizildi. Osydan keıin oqıǵa ornyna jetken polıtsııa qyzmetkerleri ony atyp óltirdi.
Aıta keterligi, AQSh-tyń Kannektıkýt shtatynyń Nıýtaýn qalasynda bastaýysh mektepte 26 adamnyń óltirilýi osy elde qarý-jaraqty erkin satyp alý jáne tasymaldaý máselesine qatysty daý týdyrǵan bolatyn. Dál osy oqıǵadan keıin AQSh Prezıdenti Barak Obama elde qarý-jaraqtardy tasymaldaýǵa jáne saqtaýǵa shekteý qoıý týraly zań jobasyna qol qoıǵan-dy.
