ÁLEM APTA ІShІNDE: 2012 jyldyń planshetter estafetasyn Apple bastady
ASTANA. 17 naýryz. QazAqparat - Osy aptada búkil dúnıejúziniń iskerlik qoǵakmdastyǵy ókilderiniń nazary qalyń buqaraǵa «The new iPad» ataýymen usynylǵan Apple kompanııasynyń jańa planshettik kompıýterleriniń satylymǵa shyǵarylýyna aýdy desek te bolady.
Sonymen qatar keshe álemniń birqatar elderinde iPad 3 nemese iPad HD atalatyn jańa planshetterdiń de satylymy bastaldy. Eń birinshi bolyp atalǵan planshetterdi Avstralııa men Japonııanyń turǵyndary satyp aldy. Sondaı-aq AQSh, Ulybrıtanııa, Germanııa, Frantsııa syndy birqatar elderde jańa iPad satyp alǵysy kelip, kezekke turǵyndardyń qatary qalyń boldy.
Sońǵy jyldary Apple kompanııasy shyǵaratyn jańa qurylǵynyń satylymǵa shyǵarylýy dúrlikpe suranysqa ıe bolýy dástúrge aınalyp bara jatyr. Máselen, Nıý-Iorktegi Apple dúkenindegi planshet satyp alý kezeginen úshinshi oryn 1,5 myń dollarǵa saýdalanǵandyǵy da belgili. Basqalary da satylym bastalar kúni nemese odan da buryn uzyn-sonar kezek bolatyndyqtan dúkenniń ashylýyn kútý ýaqytyn qalaı jaıly ótkizýge bolatyndyǵy týrasynda jan-jaqty nusqaýlyq jarııa etedi.
Jańa iPad-ty kompanııanyń bas dırektory Tım Kýk 7 naýryz kúni San-Frantsısko qalasynda buqara nazaryna usyndy. Ony buǵan deıingi modelderden protsessory ( jaqsartylǵan grafıkalyq ónimdiligi bar A5H-pen), sondaı-aq 2048-ge 1536 pıkselge deıin ruqsat etiletin jańa Retina ekranymen erekshelenedi. Planshettiń artqy panelinde jańa 5 megapıkseldi kamera bar. Ol HD 1080p ruqsat etilýimen beıne túsirýge de qabiletti. Sonymen qatar jańa býynnyń iPad-y LTE jelisinde de jumys isteı alady jáne 3G jelisin de qoldanýǵa múmkindik zor. Buǵan deıingi modelderge qaraǵanda qurylymnyń kólemi birshama úlken ári salmaǵy da aýyrlaý.
Jańa iPad-tyń baǵasy 16GB jady men Wi-Fi-y jáne 64GB jady men 3G, 4G qoldanylatyn modeli 499 dollardan bastap, 829 dollarǵa deıin jetedi. Bul rette 16GB kólemdi jady bar iPad2 modeliniń quny 100 dollarǵa tómendetilgen. Degenmen TMD keńistiginde dál osyndaı baǵaǵa ıek artýdyń esh negizi joq. Máselen, Reseıde resmı satylymǵa (datasy ázirshe belgisiz) deıin ınternet dúkender jıyntyǵyna baılanysty planshetterdi 1500-den 2200 dollarǵa deıin somaǵa tapsyrys berýge usynys jasaýda.
Eń birinshi býyn iPad-nyń tusaýkeseri 2010 jyly ótken bolatyn. Osy ýaqyt aralyǵynda 55 mıllıonnan astam planshet satyldy. Qazirgi tańda planshettik kompıýterlerdiń álemdik satylymynyń shamamen 60 paıyzy Apple kompanııasynyń úlesine tıesili. Apple sensorlyq ekran arqyly jumys isteýge yńǵaıly biregeı qurylǵyny eń birinshi bolyp jasaýǵa múmkinshilik aldy.
iPad-tyń basty básekelesi retinde ASUS kompanııasynyń Galaxy Note ot Samsung, Transformer Prime jáne Sony kompanııasynyń Kindle Fire ot Amazon, Nook ot Barnes & Noble, Sony Tablet P planshetteri atalýda. Planshettik qurylǵy salasyndaǵy ózderiniń sheshimderin álemdik aqparattyq tehnologııalar salasyndaǵy alpaýyttar sanalatyn Google, Windows, Nokia syndy kompanııalar da ázirleý ústinde.
Qazirgi ýaqytta sarapshylardyń basym bóligi 2012 jyldyń planshettik kompıýterler belgisimen ótetindigin aıtýda. International Data Corporation (IDC) zertteý kompanııasynyń boljamyna sáıkes, aǵymdaǵy jyly 106,1 mln., al 2016 jyly 198 mıllıonnan astam planshet (2011 jyldyń qorytyndysy boıynsha 68,7 mln. dana planshet satyldy) satylmaq.
Aǵymdaǵy jyly planshet naryǵy jańa sapaǵa kóterilýi de bek múmkin. Óndirýshiler óz qurylǵylarynda eń zamanaýı tehnologııany qoldanyp, aldyńǵy qatarly baǵdarlamamen jabdyqtaýǵa umytylyp, bur rette devaısterdiń baǵasynyń barynsha tómen bolýyna nazar aýdaratyndyǵy sózsiz. Іs júzinde kompıýterler nemese smartfondar shyǵarýmen aınalysatyn barlyq kompanııalar planshettiń de bir kezderdegi noýtbýkter sııaqty óz naryǵyn jaýlap alatyndyǵyn moıyndap otyr.
