Alekseı Tsoı Prezıdenttiń keńesshisi laýazymyna taǵaıyndaldy

ASTANA. KAZINFORM — Aqorda Alekseı Tsoıdyń Prezıdenttiń keńesshisi laýazymyna taǵaıyndalǵanyn habarlady.

- Memleket basshysynyń ókimimen Alekseı Vladımırovıch Tsoı Qazaqstan Respýblıkasy Prezıdentiniń áleýmettik máseleler jónindegi keńesshisi laýazymyna taǵaıyndaldy, - delingen qujatta.

Aıta keteıik, Alekseı Tsoı 1977 jyly Shymkent qalasynda dúnıege kelgen.

Bilimi:

– 2001 jyly Ońtústik Qazaqstan memlekettik medıtsınalyq akademııasyn bitirip, dáriger mamandyǵyn alǵan.

– 2007 jyly «Dáneker» halyqaralyq quqyq jáne halyqaralyq bıznes ınstıtýtynyń zań fakýltetin támamdap, zańger mamandyǵyn ıelengen.

Eńbek joly:

– 2001–2007 jyldary QR Densaýlyq saqtaý mınıstrliginiń «Ulttyq ǵylymı medıtsınalyq ortalyǵynda» hırýrg-endoskopıst bolyp jumys istedi.

– 2002–2004 jyldary «GlaxoSmithKline» farmatsevtıkalyq kompanııasynyń Astana qalasy boıynsha aımaqtyq damý menedjeri qyzmetin atqardy.

– 2007 jyldan bastap Prezıdent Іs basqarmasy júıesindegi Qazirgi zamanǵy medıtsınalyq tehnologııalardy engizý ortalyǵynda jetekshi ǵylymı qyzmetker, keıin dırektor boldy.

– 2010–2011 jyldary Prezıdent Іs basqarmasy Medıtsınalyq ortalyǵynyń basshysy boldy.

– 2011–2014 jyldary Astana qalasy ákimdigine qarasty №1 qalalyq aýrýhananyń bas dárigeri qyzmetin atqardy.

– 2014–2017 jyldary — QR Densaýlyq saqtaý jáne áleýmettik damý vıtse-mınıstri.

– 2017–2019 jyldary — QR Densaýlyq saqtaý vıtse-mınıstri.

– 2019 jyldyń aqpanynan bastap — Prezıdent Іs basqarmasy Medıtsınalyq ortalyǵynyń basshysy.

– 2020 jylǵy 22 maýsymnan bastap — QR Densaýlyq saqtaý birinshi vıtse-mınıstri.

Eske salaıyq, keshe Memleket basshysynyń Jarlyǵymen birqatar elshi taǵaıyndaldy.