Alekseı Poltoranın «Týr de skı» kópkúndiginde baq synaýda
ASTANA. QazAqparat - Italııanyń Toblah qalasynda shańǵy jarysynan «Týr de Skı» kópkúndigi bastaldy. Alǵashqy saıys kúninde sportshylar erkin stılmen qysqa qashyqtyqqa jarysady, dep jazady Olympic.kz.
1,3 shaqyrymdyq básekede qazaqstandyq Alekseı Poltoranın de baq synady. Ókinishke qaraı, ol júldege talasa almaı, 78-shi orynda qaldy.
Erler arasynda norvegııalyq Iohannes Klebo top jardy. Ekinshi jáne úshinshi orynda frantsııalyq Jýv Rıshar men Lıýk Shanava.
Búgin erler 15 shaqyrymǵa erkin ádispen jarysady.
Keıin kópkúndik báseke Shveıtsarııada jalǵasady. Val-Mıýstaırdaǵy doda 1 qańtarda bastalady.
