Alekseı Poltoranın «Týr de Skı» dodasyn nelikten orta jolda aıaqtaǵanyn aıtty
ASTANA. QazAqparat - Shańǵy tebýden Qazaqstar quramasynyń kóshbasshysy Alekseı Poltoranın «Týr de Skı» kópkúndiginde bizdiń el atynan bir ózi synǵa tústi. Alaıda, tórt kezeńnen soń ol jarysqa shyǵýdan bas tartqan bolatyn. Shańǵyshy mundaı sheshimdi ne úshin qabyldaǵanyn túsindirip berdi, dep jazady olympic.kz.
«Biz áý-bastan tórt kezeńde ǵana baq synaımyz dep sheshkenbiz. «Týr de Skı» dodasyn biz daıyndyqtyń bir bóligi retinde qarastyndyq. Bizdiń maýsym áli aıaqtalǵan joq. Alda óte mańyzdy jarystar kútip tur. Sondyqtan, maýsymdy qorytyndylap, qandaı da bir baǵa berýge áli erte», - deıdi Poltoranın.
Aıta ketelik, Alekseı Poltoranınniń «Týr de Skı» kópkúndigindegi eń joǵary kórsetkishi - 17-shi oryn. Ol 15 shaqyrymǵa mass-start ádisimen jarysýdan osyndaı nátıje kórsetti.
