Alekseı Poltoranın sporttan 4 jylǵa shettetildi
NUR-SULTAN. QazAqparat – Halyqaralyq shańǵy sporty federatsııasy (FIS) qazaqstandyq Alekseı Poltoranınniń sporttan 4 jylǵa shettetilgenin jarııalady. Bul týraly QazAqparat federatsııanyń saıtyna silteme jasap habarlaıdy.
«Dopıngke qarsy talaptardy buzǵany úshin 2020 jylǵy 2 qańtardaǵy sheshimmen estondyq shańǵyshylar Karela Tammıarva, Andreasa Verepalý, jattyqtyrýshy Matı Alaverý jáne qazaqstandyq Alekseı Poltoranın tórt jylǵa sporttan shettetildi», - delingen habarlamada.
Eske sala ketsek, ótken jyly 27 aqpanda nemis jýrnalısi Haıo Zeppelt Týıtterde Aýstrııanyń Zeefelde qalasynda shańǵy jarysynan ótip jatqan álem chempıonatynda Qazaqstan, Aýstrııa men Estonııa sportshylary antıdopıngtik erejelerdi buzdy degen kúdikke ilingenin jazdy. Olardyń qatarynda Alekseı Poltoranın da bar. Sportshynyń bapkeri atalmysh oqıǵaǵa baılanysty málimdeme jasaǵan edi.