Alekseı Poltoranın Alpi Kýbogynda altynshy bolyp keldi
ASTANA. QazAqparat - Slovenııalyq Planıtsada shańǵy jarystary boıynsha Alpi Kýbogy aıaqtaldy. Baǵdarlamanyń sońǵy túri erkin ádispen 20 shaqyrymdyq mass-start jarysy boldy. Onda Qazaqstan komandasynyń kóshbasshysy Alekseı Poltoranın altynshy bolyp kelgen, dep habarlaıdy Olympic.kz.
Poltoranın altynshy bolyp kelgendikten, podıýmǵa ekinshi ret shyǵa almady. Bul dodada Avstrııa sportshysy Maks Haýke jeńiske jetken. Ekinshi bolyp máre syzyǵyn polshalyq Domınık Býry kesip ótti. Úzdikter úshtigine sondaı-aq Avstrııanyń taǵy bir shańǵyshysy Bernard Trıtşer engen.
Budan bir kún buryn qazaqstandyq shańǵyshy klassıkalyq júrispen 15 shaqyrymdyq qashyqtyqta senimdi túrde jeńiske jetken edi.
Poltoranın atalǵan Kýbokqa qatysý arqyly Avstrııadaǵy álem chempıonatyna daıyndyq baǵdarlamasyna kirip otyr. Ol 20 aqpan kúni bastalady.
Alpi Kýbogy FIS-starttar baǵdarlamasyna kiredi.
