Alekseı Nıdiń ketkenin qalamaımyn - Japparqul
ASTANA. QazAqparat - Rıo Olımpıadasynyń kúmis júldegeri Jazıra Japparqul Qazaqstannyń ulttyq quramasyn 20 jyldan astam ýaqyt basqarǵan bapkerdiń ketkenin qalamaıdy, dep xabarlaıdy QazAqparat tilshisi.
«Endi, árıne, bizdi álemdik jarystarǵa aparyp, jer-jahanǵa tanytqan adamnyń ketkenin qalamaımyz. Barlyq sportshylar ol kisiniń qalǵanyn qalaıdy. Sebebi bizdiń oqý-jattyǵýlarymyz jaqsy ótedi. Sol adamnyń arqasy dep oılaımyn. Bizdi árqashan qoldap, qolpashtap, osyndaı sportshy bar dep, alyp júredi. Kórmeı júrgen úlken basshylarǵa biz týraly aıtyp, kórsetip, jarystarǵa aparady. Arasyna búıtip-búıtip tyǵyp jiberip, kóp jaǵdaıda kómektesedi», - dedi J.Japparqul QazAqparat tilshisine bergen suxbatynda.
Onyń aıtýynsha, búginde Alekseı Nıdiń ketkenin qoldap jatqandar da az emes. Degenmen ol Qazaqstannyń ulttyq quramasyn 20 jyldan astam ýaqyt boıy basqaryp kelgen bapkerdiń orny bólek dep sanaıdy.
«Iá, bizde bilimdi, bilikti sportshylar kóp. Oǵan daý joq. Biraq ol kisiniń ózindik bir ózgesheligi bar, - dep atap kórsetti Olımpıada júldegeri.
Aıta keteıik, jeltoqsannyń 5-si kúni aýyr atletıkadan Qazaqstan quramasynyń bas bapkerin taǵaıyndaý josparlanyp otyr.
