Alekseı Nı ketpeýi múmkin
ASTANA. 6 tamyz. QazAqparat - Aýyr atletıka boıynsha Qazaqstan quramasynyń bas bapkeri Alekseı Nı óz qyzmetinde qalýy múmkin.
Bul asyǵysta jasalǵan málimdeme bolýy yqtımal. Búgin Astanada ótken baspasóz máslıhatynda Ulttyq shtattyq komandalar jáne sport rezervi dırektsııasy basshysynyń mindetin atqarýshy Alekseı Krıýchkov osylaı aıtty.
«Menińshe, bul másele týraly aıtý áli erte. Alekseı Nı kelgennen keıin biz ony tyńdap, onyń otstavkaǵa ketý jónindegi málimdemesiniń sebep-saldaryn biletin bolamyz. Qazir bul týraly naqty bir nárse aıtý qıyn. Sebebi ondaı jaǵdaılar bolady: bapkerler tolqyp turyp, óz qyzmetin aıaqtaımyn dep jatady. Biraq demalyp, óz qalpyna kelgennen keıin jumysty jalǵastyrady. Sondyqtan dál qazir naqty bir sheshimder jasamaı-aq qoıalyq», - dedi A.Krıýchkov.
