Azıada-2026: Qazaqstan erler quramasy tasjoldaǵy velojarysta eki júlde jeńip aldy
SINSIRO.KAZINFORM — Japonııanyń Aıchı prefektýrasy jáne Nagoıa qalasynda ótip jatqan HH jazǵy Azııa oıyndary tasjoldaǵy velojarysy óz máresine jetti.
Erler arasynda toptyq jarysta Alekseı Lýtsenko, Evgenıı Fedorov, Nıkolıa Vınokýrov el namysyn qorǵady.
Qortyndysynda, qazaqstandyq sportshy Alekseı Lýtsenko 4 saǵat 13:11 mınýt nátıje kórsetip, márege birinshi bolyp jetti.
Osylaısha, otandasymyz 6 dúrkin Azııa chempıony atanyp otyr. Ol osyǵan deıin Inchhon (2014jyl), Djakarta (2018 jyl) jáne Hanchjoý (2023 jyl) Azııa oıyndarynda jekeleı jáne komandalyq synda tórt altyn jáne bir kúmis medal jeńip alǵan bolatyn.
Sonymen qatar, Alekseı Lýtsenko Nagoıadaǵy Azıadada alǵashqy jarys kúni jekeleı synda top jardy.
Taǵy bir qazaqstandyq sportshy Evgenıı Fedorov 4 saǵat 15:09 mınýt nátıjemen kúmis júlde enshiledi.
Osyǵan deıin habarlaǵanymyzdaı, Qazaqstan áıelder quramasy stend atýdan Azıa oıyndarynda kúmis júlde jeńip aldy.
Sondaı-aq, jeńil atlet Krıstına Morozova el qorjynyn kúmis medalmen tolyqtyrdy.
