Alekseı Lýtsenko: Olımpıada oıyndaryna daıyndyǵym «San Sebastıan» jarysynda jalǵasady
ASTANA. QazAqparat - Jazǵy Olımpıada oıyndarynda velosporttan el namysyn qorǵaıtyn Alekseı Lýtsenko aqparat quraldaryna bergen suhbatynda Rıo Olımpıadasyna daıyn ekendigin aıtty. Bern men Fınaýt-Emossno qalashyqtarynyń arasynda ótip jatqan 184 shaqyrymǵa sozylǵan jarysta Lýtsenko komandalyq áriptesi Tanel Kangerpen birge alǵa uzaǵan toptyń qatarynda bolyp, Fabıo Arýdyń jalpy esepte segizinshi satyǵa kóterilýine kómektesti.
Alekseı Lýtsenko suhbatynda Astana shabandozdarynyń kezeńdik jarysta jeńeske jete almaǵan sebebin bylaı túsindirdi. «Máreden uzaǵan kezden aldyńǵy topqa qosylyp, pelotonnan uzap ketkisi kelgender kóp boldy. Alǵashqy bir jarym saǵat shabandozdar arasynda talaspen ótti.
Alǵashqy taýdyń etegine kelgende áriptesim Tanel Kangert ekeýmizdiń jolymyz boldy. Biraq alǵa uzaǵan top kóp uzamaı ekige bólinip ketti. Sondyqtan, biz «Direct Energie» men «VMS» komandasynyń eki ókilimen qosylyp jyldamdyǵymyzdy údetýge sheshim qabyldadyq. Nátıjesinde, 30-40 shaqyrymdaı alǵa shyqtyq. Pelotonnan uzap ketý úshin men kóp kúsh jumsadym, al kezeń aıaǵyna qaraı Tanel Kangertke kómekteskendi durys dep taptym. Sondyqtan, artqa sheginip, komanda kapıtany Fabıo Arýǵa kómektesýim kerek boldy. Fabıo kele jatqan negizgi topta sary jeıde ıegeri Krıs Frýmmen qosa jeke esepte jeńiske talasqan ózgede shabadozdar bolatyn», -dedi ol.
Sondaı-aq, ol komanda kapıtany Fabıo Arýdyń Parıjge deıingi kezeńderde ýaqyt aıyrmashylyǵyn qysqartyp, jeńimpazdar qatarynan kórinýge múmkindigi mol ekendigin de aıtty. Olımpıada oıyndaryna Bahtııar Qojataevpen birge Ulttyq qurama sapyna iriktelgen Alekseı Lýtsenko Týr de Franstan keıin «San Sebastıan» jarysyna qatysyp, Rıoǵa attanady.
