Alekseı Lýtsenko «Gecho sheńberi» velobáıgesinde chempıon atandy

ASTANA. QazAqparat - Ispanııada ótken «Gecho sheńberi» bir kúndik velobáıgesinde qazaqstandyq Alekseı Lýtsenko máre syzyǵyn birinshi bolyp qıdy, dep habarlaıdy QazAqparat tilshisi.

Ol qazaqstandyq «Astana» veloklýbynyń namysyn qorǵaıdy.

Jarys barysynda ekinshi oryn frantsııalyq Tonı Gallopenge buıyrsa, úshinshi orynǵa «Astananyń» taǵy bir ókili ıtalıandyq Sımone Velasko ıe boldy.

Qazaqstandyq veloklýb namysyn qorǵap júrgen Evgenıı Fedorov - 20, Nurbergen Nurlyqasym - 55. Fabıo Fellıne, Leonardo Basso jáne Haver Romo máre syzyǵyna jete alǵan joq.

Eske salsaq, budan buryn Aleksandr Vınokýrov Glazgoda ótken álem chempıonatynda jeńiske jetti.

Ol qazir Astana Qazaqstan Team velokomandasynyń bas menedjeri qyzmetin atqarady. Glazgoda ótken álem chempıonatynda 50 jastan joǵarylar arasynda altyn medal jeńip aldy.