Alekseı Lodochnıkov «Balqadısha» ánin oryndap berdi

ASTANA. QazAqparat - Halyqtar dostyǵyna arnalǵan bir jıynda Alekseı Lodochnıkov osy bir ótinishin Memleket basshysy Nursultan Nazarbaevqa aıtqan bolatyn, dep xabarlaıdy QazAqparat tilshisi.

«Asa qurmetti Elbasy, meniń esimim - Lodochnıkov Alekseı. Men taǵdyrdyń jazýymen aýdandyq balalar úıinde tárbıelendim. Qazir mýzykalyq kolledjde oqımyn. Áıgili atamyz Ámire Qashaýbaev 1925 jyly Parıjde ótken EKSPO kórmesinde «Balqadısha» ánin oryndaǵan. Keler jyly Astana EKSPO-da men de sol ándi oryndaǵym keledi», - degen bolatyn Lodochnıkov. Sol kezde Prezıdent: «Jaqsy, oryndasań, Táýelsizdiktiń 25 jyldyǵyna arnalǵan kontsertke shaqyramyz», - dedi.

Búgin Astanada Memleket basshysynyń qatysýymen ótken «Beıbitshilik pen kelisimniń 25 jyly» atty merekelik jıynda Lodochnıkov qolyna dombyra alyp, «Alaý» toby men ánshi Dımash Qudaıbergenmen birge «Balqadıshany» oryndap berdi.