Alekseı Tsoıdyń DDSU komıtetindegi tóraǵalyǵy Qazaqstanǵa qandaı nátıje beredi

NUR-SULTAN. QazAqparat - QR Densaýlyq saqtaý mınıstrliginiń resmı ókili Baǵdat Qojahmetov QR Densaýlyq saqtaý mınıstri Alekseı Tsoıdyń DDSU Eýropalyq óńirlik komıtetindegi tóraǵalyǵy qandaı nátıje beretinin aıtty, dep habarlaıdy QazAqparat tilshisi.

Budan buryn habarlanǵandaı, QR Densaýlyq saqtaý mınıstri Alekseı Tsoı DDSU Eýropalyq óńirlik komıtetiniń 70-sessııasynyń tóraǵasy bolyp saılandy.

«Alekseı Tsoıdyń tóraǵa bolyp saılanýyna toqtalsaq, ol joǵary mártebe bolyp sanalady. Daýys berý tártibi qupııa ótti. Bul óz kezeginde mınıstrdiń Eýropa men Azııa óńirindegi áriptesteri arasynda aıtarlyqtaı joǵary bedelge ıe ekenin bildiredi... Qazaqstan emdeýdiń jańa ádisteriniń kózi bolýy múmkin, sondaı-aq medıtsına salasynda ınnovatsııalyq sheshimderdiń aldyna shyǵýy yqtımal», - dedi resmı ókil Ortalyq kommýnıkatsııalar qyzmetinde.

Sonymen qatar ol elimizde halyqaralyq deńgeıdegi túrli keńester men kezdesýler ótetinin atap ótti.