Alekseı Tsoı jalǵan vaktsınalaý pasporty týraly: Kimdi aldap jatyr

NUR-SULTAN. QazAqparat – Búgin Májilistegi Úkimet saǵatynda Densaýlyq saqtaý mınıstri Alekseı Tsoı vaktsınalaýdyń jalǵan pasporttaryn satyp alýǵa qandaı tosqaýyl qoıylyp jatqanyn aıtty, dep habarlaıdy QazAqparat tilshisi.

«Jumysyna adal qaramaıtyn áriptesterimiz de bar ekeni ókinishti. Bul turǵyda «bıznestiń ındýstrııasy» baıqaldy. Osy oraıda biz osy máseleni sheshý úshin birinshi bolyp bastama jasap, quqyq qorǵaý organdarynan jedel jumystardy júrgizýdi suradyq. ıAǵnı salada ózi isine adal emes áriptesterimizdi anyqtaý kerek boldy. Bul rette 90-nan astam qylmystyq is qozǵaldy, onyń jartysynan astamy PTR-test nátıjelerin qoldan jasaýǵa, al qalǵany vaktsınalaý pasportyna qatysty. Árbir pýnkt boıynsha tekseriledi. Sot sheshimi shyqqannan keıin, barlyq jalǵan pasporttar bazadan óshiriledi. Birqatar uıymdarda kameralar ornatyldy. Sonymen qatar ishki qadaǵalaý bar, medıtsınalyq uıymdar ózderi de tekserý júrgizedi», - dedi A. Tsoı.

Osy oraıda ol vaktsına alý arqyly indettiń taralýyn tejeýge múmkin bolatynyn aıtty. Sonymen qatar, KVI-diń jeńil ótýine jaǵdaı jasalady.

«Shynyn aıtqanda, bul máselege qatysty halyqqa túsindirýge tyrysyp jatyrmyz. Adamdar ózin-ózi (jalǵan pasport arqyly) aldap jatyr. Densaýlyǵyn qorǵamaıtyn qaǵazdy satyp alǵannan ne paıda? Kimdi aldap jatyr?!», - dedi mınıstr.