Alekseı Tsoı ıÝNISEF-tiń Qazaqstandaǵy ókilimen kezdesti
Densaýlyq saqtaý mınıstri BUU Balalar qoryna ana men bala densaýlyǵyn qorǵaýǵa baǵyttalǵan uzaq merzimdi serpindi yntymaqtastyq pen birlesken jobalardy iske asyrǵany úshin alǵys aıtty.
Kezdesý barysynda A.Tsoı men Artýr van Dızen Densaýlyq saqtaý mınıstrligi men ıÝNISEF-tiń 2016 jyldan 2020 jylǵa deıingi yntymaqtastyqtyń qorytyndysyn talqylady.
Mınıstr júkti áıelderdi, jańa týǵan nárestelerdi jáne búldirshinderge úıde patronajdyq baqylaý uıymdastyrýda ámbebap-progressıvti tásil engizý, jasóspirimder arasyndaǵy sýıtsıdiniń aldyn alý, mektep medıtsınasy boıynsha standarttardy ázirleý, AITV ınfektsııasy kezinde medıtsınalyq-áleýmettik kómek kórsetýdi uıymdastyrý jumystarynyń mańyzdylyǵyn atap ótti. Sondaı-aq bala ólimi, ata-analar men medıtsına qyzmetkerlerin vaktsınatsııalaý, mektepterdegi sanıtarııa men gıgıena máselesi boıynsha birlesken zertteýler de sóz boldy.
Densaýlyq saqtaý mınıstrligi men ıÝNISEF 2020 jyly mektepterdegi balalar arasyndaǵy artyq salmaq pen sýǵa qol jetimdilik, sanıtarııa men gıgıena epıdemıologııalyq monıtorınginiń besinshi raýndyn jalǵastyrýda.
Ulttyq qoǵamdyq densaýlyq saqtaý ortalyǵy elimizdiń 17 óńirindegi 151 mektepte dala jumysyna kiristi. Oǵan 6 myń bala qamtylady. QDSUO-men birlesip qyzylsha aýrýynyń negizgi sebepterin, ata-analar arasynda vaktsınatsııaǵa qatysty máselelerdi zertteý jáne búldirshinder, mektepke deıingi jáne mektep jasyndaǵy balalardy tamaqtandyrýdyń ulttyq strategııasyn jáne basqa da birqatar bastamany ázirleý josparlanýda.
Sonymen qatar, taraptar yntymaqtastyqty odan ári nyǵaıtý máselelerin talqylady. Atap aıtqanda, birqatar baǵyt boıynsha 2021-2022 jyldarǵa arnalǵan jańa jumys josparyn ázirleý usynyldy. Onyń ishinde - MSAK patronajdyq qyzmetiniń ámbebap-progressıvti modelin engizý; balalardyń tamaqtanýyn jaqsartý boıynsha jumystar júrgizý, durys tamaqtanýdy ustaný daǵdylaryn qalyptastyrý, negizgi qaýip faktorlarynyń biri retinde semizdiktiń aldyn alý; jańa týǵan nárestelerdi, onyń ishinde shala týǵan nárestelerdi kútýge yqpal etetin engizilgen tıimdi perınataldyq tehnologııalardy qoldaý; ata-analarǵa keńes berý men aqparattandyrýdy uıymdastyrý maqsatynda balalardy damytý kabınetteri men ortalyqtaryn ádisnamalyq qoldaý; erte jastaǵy balalardyń skrınıngin engizý jáne jetildirý; mektep medıtsınasyn damytý, bilim berý uıymdarynda medıtsına qyzmetkerleriniń quzyretterin keńeıtý.
Kezdesý qorytyndysy boıynsha Densaýlyq saqtaý mınıstrligi men ıÝNISEF áriptestik qarym-qatynastardy odan ári damytý jáne medıtsına kadrlarynyń biliktiligin arttyrý jónindegi jumysty jandandyrý jóninde kelisimge qol jetkizdi.
