Alekseı Tsoı vıtse-mınıstr Oljas Ábishevtiń qamaýǵa alynýyna qatysty pikir bildirdi

NUR-SULTAN. QazAqparat – QR Densaýlyq saqtaý mınıstri Alekseı Tsoı vedomstvonyń vıtse-mınıstri Oljas Ábishevtiń qamaýǵa alynýyna qatysty pikir bildirdi, dep habarlaıdy QazAqparat tilshisi.

«Qazirgi kezde bizde naqty aqparat joq. Tergeý amaldary júrip jatyr jáne ókiletti organdar tıisti aqparatty ózderi jarııalaıdy. Oljas Ábishev ótken aptada óz erkimen qyzmetinen ketý týraly ótinim berdi. Sondyqtan osy másele qazir qarastyrylýda. Meniń oıymsha, berilgen ótinimge sáıkes sheshim qabyldansa, onda ol laýazymynan bosatylady», - dedi A. Tsoı Ortalyq kommýnıkatsııalar qyzmetindegi baspasóz máslıhatynda.

Budan buryn habarlanǵandaı, Qazaqstan Respýblıkasy Qarjy mınıstrliginiń Qarjy monıtorıngi komıteti Densaýlyq saqtaý vıtse-mınıstri Oljas Ábishevtiń qamaýǵa alynǵanyn rastady.

Ol bıýdjet qarajatyn jymqyrdy degen kúdikke ilindi.