Alekseı Tsoı: Vaktsınalaýdyń nátıjesinde epıdemıologııalyq ahýal ýshyqqan joq

NUR-SULTAN. QazAqparat – Sońǵy aptada vaktsıanalaýdyń qarqyn alýy koronavırýstyń taralýyn tejegen. Densaýlyq saqtaý mınısri Alekseı Tsoı Úkimet otyrysynda osylaı dedi, dep habarlaıdy QazAqparat.

«Elimizde keıingi kezde vaktsınalaý qarqyny artyp keledi. Ótken aptada vaktsına saldyrǵandardyń sany 250 myń adamnan 405 myń adamǵa ósken. Biz vaktsınalaýdyń tıimdiligine taldaý jasap kórdik. Sáýir aıynan bastap maýsymǵa deıin ekpe alǵandar sanynyń 1,3 mln adamnan 3,2 mln adamǵa deıin ósýi indet juqtyrý jaǵdaılaryn eki ese azaıtqany baıqalady. Osyǵan baılanysty Delta shtamy anyqtalǵan kúnniń ózinde vaktsınalaý epıdemıologııalyq ahýaldyń jaqsarýyna jaǵymdy áser etip jatqanyn aıtý qajet», - dedi Alekseı Tsoı Úkimet otyrysynda.

Mınıstrdiń sózine qaraǵanda búginge deıin qazaqstandyqtar 5,2 mln doza vaktsına ny paıdalanǵan, Onyń ishinde 1-komponenti boıynsha 3 246 795 adam nemese tıisti halyqtyń 32,8% ekpe alǵan. Ekinshi komponentpen 1 954 372 adam qamtylǵan.