Alekseı Tsoı: Sońǵy 2 aıda koronavırýstan bolǵan ólim kórsetkishi 4,8 esege azaıdy

NUR-SULTAN. QazAqparat – Sońǵy 2 aıda elimizde koronavırýstan ólim-jitim 4,8 esege tómendedi. Bul jaıynda búgin Úkimet otyrysynda QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«Búgingi tańda «jasyl» aımaqta segiz óńir bar: Jambyl, Mańǵystaý, Túrkistan, Aqtóbe, Batys Qazaqstan, Atyraý, Almaty oblystary jáne Shymkent qalasy. Bes óńir – «sary» aımaqta: Shyǵys Qazaqstan, Qyzylorda, Qaraǵandy oblystary, Almaty jáne Nur-Sultan qalalary», - ded mınıstr.

Onyń dereginshe, «qyzyl» aımaqta tórt óńir, atap aıtqanda Aqmola, Qostanaı, Pavlodar jáne Soltústik Qazaqstan oblystary tur. Reprodýktıvti kórsetkish 0,96 paıyzdy quraıdy.

«Jalpy, Qazaqstanda sońǵy eki aıda aýyrǵandar 4,5 esege, al ólim-jitim 4,8 esege tómendedi», - dedi Alekseı Tsoı.